A Convención Europea de Dereitos Humanos (CEDH), en inglés European Convention on Human Rights (ECHR), foi adoptada polo Consello de Europa en 1950 e entrou en vigor en 1953. O nome oficial da Convención é Convenio Europeo para a Protección dos Dereitos Humanos e das Liberdades Fundamentais. Ten por obxecto protexer os dereitos humanos e as liberdades fundamentais, permitindo un control xudicial do respecto de devanditos dereitos individuais, e fai referencia á Declaración Universal dos Dereitos Humanos, proclamada pola Asemblea Xeral das Nacións Unidas o 10 de decembro de 1948.

Co fin de permitir un control do respecto efectivo dos dereitos humanos, a Convención instituíu o Tribunal Europeo de Dereitos Humanos (ou Corte Europea de Dereitos Humanos), efectiva en 1954, e o Comité de Ministros do Consello de Europa.

O Consello de Europa non debe ser confundido co Consello da Unión Europea, que non é unha parte comprendida na Convención (a pesar de estar adherida á Convención polo Tratado de Roma de 2004) e non ten ningún papel na administración do Tribunal Europeo de Dereitos Humanos. En tanto, a Convención exerce unha certa influencia sobre o Dereito da Unión: por exemplo, a Carta dos Dereitos Fundamentais da Unión Europea, no seu preámbulo, "reafirma [...] os dereitos recoñecidos especialmente por [...] a xurisprudencia [...] do Tribunal Europeo de Dereitos Humanos".

Dereitos que se protexen e cobertura Os Estados que ratificaron a Convención, tamén coñecidos como "Estados Partes", comprometéronse a asegurar e garantir a todas as persoas baixo a súa xurisdición, non só aos seus nacionais, os dereitos civís e políticos fundamentais definidos na Convención.

Os dereitos e liberdades garantidos pola Convención inclúen o dereito á vida, o dereito a un xuízo xusto, o dereito ao respecto da vida privada e familiar, a liberdade de expresión, a liberdade de pensamento, conciencia e relixión e a protección da propiedade.

A Convención prohibe, en particular, a tortura e os tratos ou penas crueis ou degradantes, a escravitude e o traballo forzoso, a detención ilegal e arbitraria e a discriminación no goce dos dereitos e liberdades garantidos pola Convención.

A Convención evolucionou co paso do tempo e comprende diversos protocolos adicionais. Por exemplo, o Protocolo N° 6 prohibe a pena de morte, excepto en caso de guerra.

Ratificación polos Estados da Península Ibérica

Portugal Portugal entrou no Consello de Europa O 26 de setembro de 1976, após o PREC e a aprobación da súa Constitución democrática e ratificou a CEDH o 9 de novembro de 1978, entrando en vigor nesa mesma data.

España España uniuse ao Consello o 24 de novembro de 1977, durante a Transición. O convenio foi ratificado por España con data 26 de setembro de 1979, publicado no Boletín Oficial do Estado de 10 de outubro de 1979.

Xibraltar O Reino Unido foi o primeiro Estado-nación a ratificar a Convención, no 8 de marzo de 1951, como parte do seu compromiso de protexer os dereitos humanos no contexto europeo, despois da Segunda guerra mundial. Xibraltar segue as directrices e tratados do Reino Unido en materia de dereitos humanos, incluída a CEDH.

Andorra Andorra uniuse ao Consello de Europa o 10 de novembro de 1994 e ratificou a Convención adheríndose ás normativas e proteccións establecidas polo Consello de Europa dous anos despois, en 1996.

Notas

Véxase tamén Outros artigos Convención Americana sobre Dereitos Humanos Declaración Universal dos Dereitos Humanos Pacto Internacional de Dereitos Civís e Políticos Pacto Internacional de Dereitos Económicos, Sociais e Culturais

Ligazóns externas Alto Comisionado das Nacións Unidas para os Refuxiados (ACNUR). Texto do Convenio Europeo para a Protección dos Dereitos Humanos e Liberdades Fundamentais, de 4 de novembro de 1950,en formato Pdf, revisado conforme ao Protocolo n° 11 (Data de entrada en vigor 1 de novembro de 1998) Texto Refundido da Convención

Categoría:Tratados sobre dereitos humanos Categoría:Fontes do dereito Categoría:Tratados de Albania Categoría:Tratados de Alemaña Categoría:Tratados de Andorra Categoría:Tratados de Armenia Categoría:Tratados de Austria Categoría:Tratados de Azerbaidján Categoría:Tratados de Bélxica Categoría:Tratados de Bosnia e Hercegovina Categoría:Tratados de Bulgaria Categoría:Tratados de Croacia Categoría:Tratados de Chipre Categoría:Tratados da República Checa Categoría:Tratados de Dinamarca Categoría:Tratados de Estonia Categoría:Tratados de Finlandia Categoría:Tratados de Francia Categoría:Tratados de Xeorxia Categoría:Tratados de Grecia Categoría:Tratados de Hungría Categoría:Tratados de Islandia Categoría:Tratados de Irlanda Categoría:Tratados de Italia Categoría:Tratados de Letonia Categoría:Tratados de Liechtenstein Categoría:Tratados de Lituania Categoría:Tratados de Luxemburgo Categoría:Tratados de Malta Categoría:Tratados de Mónaco Categoría:Tratados de Montenegro Categoría:Tratados dos Países Baixos Categoría:Tratados de Macedonia do Norte Categoría:Tratados de Noruega Categoría:Tratados de Polonia Categoría:Tratados de Portugal Categoría:Tratados de Romanía Categoría:Tratados de San Marino Categoría:Tratados de Serbia Categoría:Tratados de Eslovaquia Categoría:Tratados de Eslovenia Categoría:Tratados de España Categoría:Tratados de Suecia Categoría:Tratados de Suíza Categoría:Tratados de Turquía Categoría:Tratados de Ucraína Categoría:Tratados do Reino Unido Categoría:Tratados de Moldova