A estación de Santiago de Compostela-Daniel Castelao é unha estación de tren de Adif situada na cidade de Santiago de Compostela. Ten servizos de longa e media distancia operados por Renfe.
En 2010 recibiu 1.771.974 pasaxeiros, sendo a estación con maior número de viaxeiros de toda Galicia.Anuario del ferrocarril 2011 Fundación de los Ferrocarriles Españoles y Vía Libre
Situación ferroviaria miniatura|Estación de Santiago. miniatura|Patio da estación de Santiago. miniatura|Vías da estación. A estación atópase no punto quilométrico 378,811 da liña férrea de ancho ibérico que une Zamora e A Coruña a 218 metros de altitude.Santiago de Compostela (Est.) Euroferroviarios Tamén forma parte da liña férrea de ancho ibérico que une Redondela con Santiago de Compostela, punto quilométrico 92.Red ferroviaria española Ministerio de Fomento
Ademais a estación intégrase na liña de alta velocidade Olmedo-Zamora-Galicia, concretamente no tramos Santiago-Ourense operativo dende 2011Arrinca a alta velocidade entre A Coruña, Santiago e Ourense La Región, e no eixe atlántico de alta velocidade.
Historia A chegada do ferrocarril a Santiago vai unido á primeira liña férrea posta en funcionamento en Galicia que unía Cornes co Carril e que se prolongaría pouco despois ata Pontevedra. Construíuse así a estación de Santiago-Cornes inaugurada o 15 de setembro de 1873 por parte da The West Galicia Railway Company empresa británica que lograra a concesión da liña en 1866 tras comprar a compañía do Ferrocarril Compostelán da Infanta Dona Isabel. En 1928, MZOV absorbeu a compañía inglesa para ser á súa quenda absorbida pola Compañía Nacional dos Ferrocarrís do Oeste un ano despois. En 1941, a nacionalización do ferrocarril en España integrou todas as compañías existente na recentemente creada Renfe.
O 14 de abril de 1943, coa apertura da liña férrea A Coruña-Santiago de Compostela que máis tarde se integraría dentro da liña Zamora-A Coruña, Renfe pechou a estación de Cornes e abriu o actual edificio.
Desde o 31 de decembro de 2004 Renfe Operadora explota a liña mentres que Adif é a titular das instalacións ferroviarias.
O 10 de decembro de 2011 inaugurouse o tramo Santiago de Compostela-Ourense como parte da futura liña de alta velocidade Olmedo-Zamora-Galicia. En abril de 2015 quedou inaugurado o eixe atlántico de alta velocidade que une A Coruña e Vigo pasando por Santiago.O AVE entre Vigo e A Coruña, en marcha.
Accidente ferroviario de 2013
O 24 de xullo de 2013 no lugar de Angrois (Sar), a dous quilómetros da estación tivo lugar o accidente de tren máis grave da historia de Galiza e por vítimas oficiais, tamén o máis grave da historia de España por descarrilamento ferroviario nunha curva fechada por mor, en principio, dunha velocidade excesiva do convoi. Polo menos 80 persoas faleceron no incidente. O pavillón Fontes do Sar utilizouse como tanatorio provisional pola gran cantidade de finados. O medios de comunicación nacionais e internacionais loaron a resposta dos veciños de Angrois, os servizos de Compostela e dos cidadáns de Galiza en xeral por contribuír nos labores de rescate e axuda."Accidente en Santiago: ... y el amanecer más duro" 26/7/2013, La Voz de Galicia .
A estación Está situada na zona sueste da cidade, a 1 quilómetro da catedral e da autoestrada AP-9, preto do río Sar.
Fiel ao estilo das estacións da zona o edificio segue o esquema dun pazo. Componse dun pavillón central de dous pisos flanqueado por dúas ás laterais que nos seu extremos posúen dúas torres de planta cadrada. O conxunto é asimétrico dado que mentres unha das torres alcanza os tres pisos, a outra apenas supera a altura das ás laterais. A fachada principal está decorada por un soportal formado por unha galería de cinco arcos frontais e 2 laterais.
Componse de tres plataformas, unha lateral e dúas centrais ás que acceden cinco vías. Todas elas están protexidas por unha marquesiña metálica de dúas vertentes de considerables proporcións e de difícil integración no conxunto. Fóra do seu alcance quedan máis vías de servizo destinadas a carga, apartado ou garaxe. Os cambios de plataforma realízanse grazas a pasos subterráneos.
Ten atención ao cliente, punto de información, venda de billetes, aseos, cafetería e alugueiro de coches. Toda o recinto está adaptado para as persoas con minusvalía. No exterior atópase un amplo aparcadoiro e unha parada de taxis.
Servizos ferroviarios Longa Distancia Actualizados a 14 de febreiro de 2023. Tren Orixe Paradas intermedias Destino Observacións Alvia Madrid-Chamartín Segovia-Guiomar · Medina del Campo · Zamora · Pobra de Seabra · A Gudiña · Ourense-Empalme · Santiago de Compostela A Coruña 1 tren diario por sentidoAlviaMadrid-ChamartínSegovia-Guiomar - Medina del Campo AV- Sanabria AV - A Gudiña-Porta de Galicia- Ourense- Empalme - Santiago de Compostela - A Coruña - Betanzos Infesta - Betanzos-Cidade - Pontedeume Ferrol2 trens diarios por sentidoAlviaMadrid-ChamartínZamora - Ourense - Santiago de Compostela - Vilagarcía de Arousa - PontevedraVigo-Urzáiz1 tren diario por sentido Alvia Barcelona-Sants Camp de Tarragona · Lleida-Pirineus · Zaragoza-Delicias · Tudela de Navarra · Castejón de Ebro · Tafalla · Pamplona · Vitoria · Miranda de Ebro · Burgos-Rosa de Lima · Palencia · Sahagún · León · Astorga · Bembibre · Ponferrada · O Barco de Valdeorras · A Rúa-Petín · San Clodio-Quiroga · Monforte de Lemos · Ourense-Empalme · Santiago de Compostela A Coruña Ida:1 tren L-Ma-X-S Volta: 1 tren Ma-Mér-V-D
Media distancia Actualizado a 14 de febreiro de 2023 Liñas Trens Orixe/Destino <> Destino/Orixe Avant A Coruña <> Ourense-Empalme Avant/MD A Coruña <> Vigo-Urzáiz Rexional A Coruña <> Vigo-Guixar 'Rexional | Santiago de Compostela |<> | 'Vigo-Guixar Rexional Santiago de Compostela <> Ourense-Empalme
Notas
Véxase tamén
Outros artigos Lista de estacións de tren de Galicia
Ligazóns externas Información na web de Adif
Santiago de Compostela Santiago de Compostela Categoría:Santiago de Compostela