A Escola Técnica Superior de Arquitectura da Coruña (ETSA), tamén chamada Escola Técnica Superior de Arquitectura Pedro Barrié de la Maza (en honra do empresario Pedro Barrié de la Maza), é a escola de arquitectura da Universidade da Coruña e a única operativa en Galicia. O centro está situado no Campus da Zapateira (A Coruña). Prepara e expide o título de arquitecto, así como doutorados e diversos masters de posgrao.
Ten dous edificios, de construción contemporánea, destinados a aulario e espazo de servizos e a edificio de departamentos, respectivamente.
Historia En 1968 a Fundación Pedro Barrié de la Maza, creada en 1966 co impulso do propio empresario inicia as xestións ante o ministerio de Educación de España para a creación dunha escola técnica superior de arquitectura e dunha escola universitaria de arquitectura técnica na Coruña. Tres anos despois, en 1971, falece o empresario e a Fundación convértese na súa herdeira universal. A Fundación contrata un equipo norteamericano, dirixido por Raymond Caravaty, director do Center for Architectural Research do Instituto Politécnico Rensselaer de Troy, Nova York, para que faga a planificación educativa. Traballarán cos arquitectos Rodolfo Ucha Donate, Juan Castañón e Xosé María Laguna que proxectarán o edificio."La Fundación Barrié dona dos escuelas universitarias de arquitectura", artigo de Xosé Manuel Pereiro en El País, 9 de xuño de 1991 ..
Paralelamente, o recentemente creado (1973) Colexio Oficial de Arquitectos de Galicia, que ten como decano a Andrés Fernández-Albalat Lois, impulsou a creación dunha escola privada de arquitectura en Santiago de Compostela"Os primeiros vintecinco anos da Escola de Arquitectura", artigo de Xosé Manuel López Casabella en arquitecturagalega.net, 2001.. Pero ese mesmo ano, o 17 de agosto, o xeneral Francisco Franco asina no pazo de Meirás o decreto polo que se crea na Coruña unha escola técnica superior de arquitectura. Nace adscrita á Universidade de Santiago de Compostela, a única que existe en Galicia nese intreDecreto 2219/1973 de 17 de agosto, polo que se crea na Coruña unha Escola Técnica Superior de Arquitectura.
O primeiro curso académico iníciase o 4 de novembro de 1975. O primeiro claustro estaba formado por José Antonio Franco Taboada (Xeometría descritiva), José Luis Mosquera Suárez (Álxebra lineal), Xosé Manuel Casabella López (Debuxo arquitectónico), Carlos Fernández-Gago e Jesús Arsenio Díaz García(Análise de formas), Javier Padín Vaamonde (Cálculo infinitesimal, e Carlos Losada Varela (Física). En 1979 amplíase de cinco a seis anos o plan de estudosOrden de 24 de enero de 1979 por la que se amplía a seis años el plan de estudios de la Escuela Técnica Superior de Arquitectura de La Coruña de la Universidad de Santiago e ao ano seguinte, en 1980 entra en funcionamento o edificio actual. O outro dos edificios actualmente en funcionamento, o dedicado a departamentos, comezouse a construír en 1994 e rematouse en 1996FERNÁNDEZ COBIÁN, Esteban, "Guía de Arquitectura. A Coruña, pag 440, COAG, A Coruña, 1998.
En 1989, coa creación da Universidade da Coruña e da Universidade de Vigo por medio da Lei 11/1989, de 20 de xullo, de Ordenación do Sistema Universitario de Galicia, a escola pasa a formar parte da universidade coruñesa.
En 1991 a Fundación Barrié entregoulle á Universidade da Coruña os edificios da ETSA e da EUAT"La Fundación Barrié dona dos escuelas universitarias de arquitectura"", artigo de Xosé Manuel Pereiro en El País, 9 de xuño de 1991 .. En 1995 volveuse producir unha mudanza no plan de estudos, neste caso para estruturalo en créditos. En 2005, na III Enquisa Opina a Estudantes de Arquitectura da Fundación Caixa de Arquitectos obtén a valoración máis baixa de todas as escolas de Arquitectura de España en distintas cuestións relacionadas coa docencia: programa de estudos (5,46), capacidade do profesorado (4,80) e dedicación do profesorado (2,69), todas elas sobre 10III Enquisa Opina a Estudantes de Arquitectura. Fundación Caixa de Arquitectos.
Estrutura Na actualidade ten adscritos os seguintes departamentos: Composición, Construcións arquitectónicas, Proxectos arquitectónicos e urbanismo, Representación e teoría arquitectónica e Tecnoloxía da construción. Tamén imparte docencia nela o departamento de Métodos matemáticos e de representación.
O plan de estudos en vigor estao dende 1995, e conta cun total de 444 créditos repartidos en cinco cursos de 90 créditos cada un, a excepción do quinto, que ten unha carga de 84. Cada crédito equivale a dez horas lectivas. Ademais, a escola ofrece dous títulos de mestrado: Urbanismo: plans e proxectos. Do territorio á cidade (2 anos de duración), e Rehabilitación Arquitectónica (1 ano).
Directores miniatura|300px|A Coruña vista dende a Escola Técnica Superior de Arquitectura, ó fondo no centro a Torre de Hércules e á dereita as tres torres do Palacio Municipal de María Pita. José Antonio Franco Taboada (1975-1986) Juan Bautista Pérez Valcárcel (1986-1989) José Ramón Alonso Pereira (1989-1996) José Juan González-Cebrián (1996-2006) Xosé Manuel Casabella López (2006- )
O equipo de goberno actual está formado polo director, Xosé Manuel Casabella López, os subdirectores Cristina García Fontán e Plácido Lizancos Mora, o xefe de estudos Cristóbal Crespo González e o secretario Juan Manuel Doce Porto.
Biblioteca É unha das bibliotecas de arquitectura máis importantes de España e a primeira da Universidade da Coruña en número de empréstimos. Está situada no primeiro andar da Escola, e ocupa uns 900 metros cadrados
Notas
Véxase tamén
Outros artigos Universidade da Coruña Colexio Oficial de Arquitectos de Galicia Club de Rugby Arquitectura Técnica
Ligazóns externas Web da Escola Técnica Superior de Arquitectura da Coruña
Categoría:Facultades na Coruña Categoría:Arquitectura