Albert Reynolds, en irlandés Ailbhe MacRaighnaill, nado en Roosky (condado de Roscommon) o 3 de novembro de 1932 e finado o 21 de agosto de 2014, foi o oitavo Taoiseach (Primeiro Ministro) da República de Irlanda dende o 11 de febreiro de 1992 até o 15 de decembro de 1994.
Traxectoria Foi elixido parlamentario por primeira vez en 1977 e retivo o seu escano até a súa retirada da vida política en 2002. Reynolds ten sido Ministro de Correos e Telégrafos (1979 - 1981), Ministro de Transportes (1980 - 1981), Ministro de Industria e Enerxía (1982), Ministro de Industria e Comercio (1987 - 1988) e Ministro de Finanzas (1988 - 1991). Converteuse no quinto líder do partido republicano: o Fianna Fáil en 1992.
Reynolds Categoría:Nados en 1932 Categoría:Nados no condado de Roscommon Categoría:Finados en 2014