miniatura|Apatita A apatitaVocabulario de ciencias naturais. Santiago de Compostela, Xunta, 1991.Gran dicionario Xerais da lingua galega. Vigo, Xerais, 2009. é un mineral con cristais hexagonais e dureza 5 na escala de Mohs. A súa composición química aproximada é Ca5(PO4)3(F,Cl,OH). A cor é variábel aínda que predominan os cristais incoloros, de cor parda ou verdosa. Etimoloxía O nome de apatita deriva do grego apáte (engano) xa que pode ser confundido facilmente con outros minerais como o berilo ou a turmalina. Datos físicos Fórmula:Ca5(PO4)3(F,Cl,OH) Densidade: 3,2 g/ml Brillo: de vítreo a graxento Opacidade: de transparente a completamente opaco Cor de raia en placa de porcelana: branco Índice refractario: no = 1,633 - 1,667; ne = 1,630 - 1,664 Solubilidade: soluble en ácido nítrico (HNO3)
Depósitos A apatita encóntrase en vetas hidrotermais, entre pegmatitas e calcarias metamórfica ademais de entre sedimentos onde se produce a partir de depósitos orgánicos. Un dos maiores depósitos atópase en Marrocos.
A presenza de apatita en Logrosán, Estremadura é coñecida dende vello. Conta a tradición que no Cercón de las Brujas celebrábanse aquelarres nos que se guindaban ao lume uns pos brancos que emitían resplandores fluorescentes. Á parte desta lenda, o certo é que as mostras coas que Proust definiu por primeira vez a fluorapatita, en 1781, procedían deste lugar.
O esmalte dos dentes e unha parte dos ósos están formados por apatita.
Variedades Fluoro-apatita (Ca5(PO4)3F); é o principal mineral do esmalte dos dentes. Resiste mellor os ataques dos ácidos que a apatita normal. Por isto se lle engaden fluoruros ás pastas de dentes que poden intercambiar os grupos hidroxilo por flúor. Hidroxi-apatita (Ca5(PO4)3OH); o principal mineral dos ósos. Pódese fabricar artificialmente segundo o proceso de Tiselius a partir de cloruro de calcio (CaCl2 e fosfato de disodio (Na2HPO4) e utilízase na separación cromatográfica das proteínas.
Usos A apatita é a principal fonte de fósforo e fosfato e polo tanto imprescindible na fabricación dos fertilizantes minerais.
Notas
Categoría:Minerais