George Abecassis, nado en Chertsey, Surrey en 1913 e finado en Ibstone en 1991, foi un piloto británico de Fórmula 1 que correu con HWM en 1951 e 1952.
Traxectoria Antes da segunda guerra mundial destacou nalgunhas carreiras que correu nun Alta 12/50 privado, clasificouse segundo no Crystal Palace Plate e no Imperial Plate de 1938. En 1939 gañou o Imperial Plate. Durante a guerra pilotou un bombardeiro da RAF e en arriscadas misións aéreas en Francia.
Trala guerra entra no equipo técnico de Alta e desenvolve un novo coche para a Fórmula 1. Xunto ao seu amigo John Heath fundou Hersham & Walton Motors, empresa o dedicada a desenvolver coches deportivos con motores Alta que despois entrou na Fórmula 1. Con eses automóbiles actuou nos dous Gran Premio de Suíza en 1951 e 1952, valederos para o campionato do mundo.
Tamén formou parte do equipo Aston Martin para as carreiras de Sport e resistencia nos primeiros anos 1950's. Coa morte de Heath en 1956, Abecassis deixa a competición e en 1957 HWM pecha.
Categoría:Pilotos de Fórmula 1 de Inglaterra Categoría:Pilotos de Fórmula 1 de Hersham and Walton Motors Categoría:Nados en 1913 Categoría:Finados en 1991