Ramón Allegue Martínez, coñecido como Padrón, nado na Pobra do Caramiñal o 24 de xaneiro de 1935 e finado o 20 de decembro de 2022, foi un futbolista e escritor galego. Xogaba de gardameta.
Traxectoria Comezou a xogar na Pobra do Caramiñal de onde pasou ao Cambados e despois ao Celta de Vigo. O Celta cedeuno nun principio ao Casablanca e este ao Club Turista. Na temporada 1953/54 foi cedido ao Racing Club de Ferrol, na 2ª División, pero non chegou a disputar ningún partido oficial.
Finalmente pasou a formar parte do primeiro equipo do Celta na tempada 1954–55, porén ante a competencia de Adauto e Dauder só disputou un encontro, substituíndo a Adauto.
A tempada seguinte Dauder fichou polo Xerez CD e Padrón pasou a alternarse na portería con Adauto.
Ao finalizar a tempada 1958–59 o equipo descendeu a Segunda División. Padrón permaneceu no equipo en Segunda ata o ano 1962, cando fichou polo Deportivo da Coruña.
No Deportivo debutou no verán de 1962 no Teresa Herrera, conquistando o trofeo na final ante o SL Benfica. Na tempada 1962–63 disputou tan só 6 partidos, estando á sombra de Antonio Betancort, o porteiro titular. Ao remate da campaña o equipo descendeu a Segunda División.
Véxase tamén Bibliografía
Ligazóns externas Datos do xogador en bdfutbol.com
Categoría:Nados en 1935 Categoría:Finados en 2022 Categoría:Nados na Pobra do Caramiñal Categoría:Futbolistas da Pobra do Caramiñal Categoría:Gardametas de fútbol Categoría:Xogadores do Juventud Cambados Categoría:Xogadores do Celta de Vigo Categoría:Xogadores do Celta de Vigo B Categoría:Xogadores do Deportivo da Coruña Categoría:Personalidades de Galicia sen imaxes Categoría:Escritores de Galicia en lingua castelá