Carlos Fernández Santander, nado na Coruña en 1944 e finado na mesma cidade o 28 de setembro de 2025, foi un periodista, historiador e escritor galego en lingua castelá.
Traxectoria Fillo de militar, quedou orfo de pai de neno, marchando a estudar a Madrid ao Colexio de Orfos do Exército, onde estivo oito anos. Regresou á Coruña na década de 1960, estudando Naútica e obtendo o título de capitán da Mariña Civil.
Como periodista foi redactor de La Voz de Galicia e colaborou nas revistas Defensa, Historia 16, Naval, Cambio 16, El Ciervo, La Aventura de la Historia e Diario 16. Foi comentarista radiofónico en Antena 3 Galicia e Radiovoz.
No mundo do cinema foi director de documentais, recibindo premios como El Bosco de Oro, o primeiro premio do Festival Internacional de Cala D'Or ou o Gran Premio Castelo d'Ouro (Lisboa). Foi guionista de televisión d' O monacato en Galicia (TVG) e ¿Lembraste? (crónica sentimental del franquismo).
Como historiador centrouse na Guerra Civil e o franquismo en Galiza. Dirixiu a reedición comentada de Galicia Mártir - Episodios del terror blanco en las provincias gallegas, en 2005, publicada como Galicia bajo la bota de Franco. Galicia MártirGalicia mártir , edición en castelán de 1949., publicada en París e Argentina en 1938 co pseudónimo de Hernán Quijano, contando a sublevación militar e a represión nas provincias de Pontevedra e A Coruña entre agosto e decembro de 1936. Non se coñece a autoría real tralo pseudónimo de "Hernán Quijano", se ben Fernández fala de Luis Seoane e Manuel Domínguez BenavidesReseña de Galicia bajo la bota de Franco. na web da editorial ..
Obra El Alzamiento de 1936 en Galicia: datos para una historia de la guerra civil (1982) Los militares en la transición política española (1982) Paracuellos del Jarama: ¿Carrillo culpable? (1983) Antología de cuarenta años (1936-1975) (1983) El almirante Carrero (1985) Tensiones militares durante el franquismo (1985) La persecución de Castelao durante el franquismo (1986) El franquismo y transición política en Galicia (1986) El fútbol durante la guerra civil y el franquismo (1990) El crucero en la Armada española (1993) Bibliografía de la novela de la guerra civil y el franquismo (1996)
Alzamiento y Guerra Civil en Galicia (2000) Casares Quiroga, una pasión republicana (2000) El exilio gallego de la guerra civil (2003) El general Franco: un dictador en un tiempo de infamia (2005)
Premios Obtivo o premio Ejército do Ministerio de Defensa e os premios Wenceslao Fernández Flórez e Julio Camba de periodismo.
Notas
Categoría:Historiadores de Galicia Categoría:Xornalistas da Coruña Categoría:Nados na Coruña
Categoría:Nados en 1944
Categoría:Personalidades de Galicia sen imaxes Categoría:Escritores de Galicia en lingua castelá Categoría:Finados en 2025