O grupo das lagartas pertence á familia de réptiles escamosos dos lagartos. As lagartas son orixinarias da África, e encóntranse espalladas en todas as zonas temperadas e quentes do mundo. Son importantes nos ecosistemas porque, como insectívoros, funcionan como "controladores" de pragas domésticas.
As lagartas poden subir paredes, mesmo de vidro, e até andar sobre teitos grazas ás forzas de van der Waals estabelecidas polas cerdas existentes nas súas patas. Algunhas especies presentan capacidade de camuflaxe similar á do camaleón. Outras especies de lagartas comunícanse entre si a través de ruídos -o que non é moi común entre lagartos-.
A lagarta posúe respiración estritamente pulmonar, a súa circulación é fechada, dupla e completa, posúe pel seca e recuberta por escamas. É pecilotérmico e o sistema dixestivo é completo.
Unha característica interesante nas lagartas é a capacidade de rexenerar o seu rabo. Cando se sente en perigo, a lagarta desprende a cauda, que non perde o movemento durante algúns minutos, o que eventualmente desorienta os seus predadores. A rexeneración completa do rabo ocorre en dúas semanas.
Lagartas presentes en Galiza Lagarta das brañas (n.c. Zootoca vivipara, antes Lacerta vivipara) Lagarta da serra (n.c. Iberolacerta monticola) Lagarta galega (n.c. Podarcis bocagei) Lagarta dos penedos (n.c. Podarcis hispanica) Lagarta dos muros (n.c. Podarcis muralis) Lagarta rabuda (n.c. Psammodromus algirus) Lagarta cinsenta (n.c. Psammodromus hispanicus)
Galería de imaxes
Véxase tamén Bibliografía Galán Regalado, P. E Fernández Arias, G.: Anfibios e réptiles de Galicia, Colección Montes e Fontes, Ed. Xerais, Vigo, 1993.
Outros artigos Lagarto
Categoría:Lagartos