As tetrosas son monosacáridos de 4 átomos de carbono. Existen seis tetrosas, que son a eritrosa, treosa e eritrulosa, que poden aparecer cada unha nas súas formas enantiómeras D e L; na natureza as formas comúns son as D.
A eritrosa e a treosa son azucres aldosas, xa que levan o grupo aldehido no extremo da molécula, polo que son aldotetrosas. Posúen dous carbonos asimétricos, o 2 e o 3.
A eritrulosa é un azucre cetosa, xa que posúe un grupo cetona no carbono 2, polo que é unha cetotetrosa.
O derivado da eritrosa, a eritrosa-4-fosfato intervén na ruta da pentosa fosfato, ciclo de Calvin e na ruta de síntese dos aminoácidos fenilalanina e tirosina. A eritrulosa ten un uso cosmético como produto bronceador. A treosa forma parte do raro ácido nucleico de treosa.
Notas
Véxase tamén
Outros artigos Diosa Triosa Pentosa Hexosa Heptosa
Categoría:Carbohidratos Categoría:Monosacáridos