James Owen Sullivan, tamén coñecido como The Reverend Tholomew Plague (abreviado a The Rev), nado en Huntington Beach (California) o 9 de febreiro de 1981 e finado o 28 de decembro de 2009 na mesma cidade, foi un músico estadounidense, batería da banda Avenged Sevenfold.
Traxectoria Durante os seus estudos, coñeceu a M. Shadows nunha escola católica cando aínda eran cativos, da cal ambos foron expulsados. Cando chegou ao instituto tamén foi expulsado e enviado a un reformatorio, onde lle pasa o mesmo, e finalmente abandona e non remata os seus estudos. En 1999 é un dos fundadores da banda Avenged Sevenfold xunto a M. Shadows e Zacky Vengeance. Foi o que invitou a Synyster Gates a formar parte da banda, xa que estes fixéranse moi amigos tras coincidir nunha tenda de música. Foi arrestado múltiples veces, a maíoria debido a pelexas. A súa parella sentimental chamábase Leana McFadden máis coñecida com Leana Silver.
O 28 de decembro de 2009, deron con el morto na súa casa de Huntington Beach. A morte segundo a autopsia foi por causas naturais, debido a inxestión de Oxicodona, Oximorfona(estas dúas últimas para combater a dor), diazepam (para a ansiedade) e etanol (adquírese por consumición de alcohol). Os efectos da mestura destas substancias unida á cardiomegalia que sufría o batería, o que significa que tiña o corazón máis grande do normal, provocou a súa morte. O pouco da súa morte a familia publica un comunicado para agradecer o apoio dos fansComunicado familia Sullivan, e a banda publica tamén o seguinte comunicadoComunicado morte The Rev:
O 5 de xaneiro de 2010, celébrase un funeral privado ao que asistiron a familia, os membros da banda Avenged Sevenfold, e amigos doutras bandas coma Good Charlotte ou Lostprophets, e un día despois é enterrado nun cemiterio de Long Beach.
Carreira musical Ademais de tocar a batería, The Rev, tamén tocaba o piano, a guitarra e cantaba. Antes de ser batería de Avenged Sevenfold estivo nunha banda chamada Suburban Legends, e tamén era cantante dun proxecto paralelo chamado Pinkly Smooth. Pinkly Smooth é unha banda que formara xunto a Synyster Gates, nela utilizaba o nome artístico de "Rat Head", e en 2001 publicaron un álbum chamado "Unfortunate Snort".
As súas bandas preferidas eran Metallica, Guns N' Roses, Slayer, NOFX e Pantera.
En 2008 quedou na novena posición dos mellores baterías do mundo.
Despois da súa morte Trala perda, Avenged Sevenfold pensaron en abandonar, mais finalmente continuaron, primeiro Mike Portnoy foi o batería temporal da banda e cando este marchou, o seu lugar foi ocpuado por Arin Ilejay. O álbum Nightmare, o cal estaban gravando cando sucedeu a súa morte, é unha homenaxe da banda a The Rev, incluíndo cancións claramente adicadas a el coma "So Far Away". Ademais, durante a súa xira, a banda utiliza unha gravación das partes cantadas por el nas cancións que no seu momento cantou, deixando claro que non o olvidan.
Synyster Gates tatuouse no peito forever na súa honra, e M. Shadows un deathbat (caveira con ás de morcego, símbolo representativo da banda) especial na súa man dereita tamén na súa honra.
Tamén TWENTYFOURCORE productions fixo un vídeo como tributoVídeo tributo a The Rev, con imaxes del ao longo da súa vida, e entrevistas que foran gravadas para o DVD All Excess
Notas
Categoría:Baterías Categoría:Músicos dos Estados Unidos de América Categoría:Nados en 1981 Categoría:Finados en 2009 Categoría:Nados en Huntington Beach