Mogán é un municipio canario pertencente á provincia das Palmas. Está situado ao suroeste da illa de Gran Canaria.
Con máis de 18.000 habitantes no termo municipal, dos que ao redor de 500 viven na vila, Mogán localízase nun fermoso val que se estende desde o barranco do Mulato ata a costa. No litoral atópase o seu histórico porto pesqueiro, no pasado único medio de comunicación co resto da illa.
220px|miniatura|esquerda|Porto deportivo de Mogán A cabeceira do municipio áchase a unha altitude duns 250 metros, e a unha distancia de 93 quilómetros da capital insular, As Palmas de Gran Canaria.
A conexión coa rede de estradas do litoral grancanario foi o principal factor que promoveu a substitución da tradicional economía agrícola-pesqueira do municipio pola súa actual actividade turística, concentrada no porto de Mogán. Con todo, a agricultura non se abandonou: os cultivos tradicionais foron substituídos por outros máis rendibles, como as froitas tropicais destinadas á exportación.
A vila de Mogán é parada para quen se dirixe ao, ou vén do, municipio veciño de La Aldea de San Nicolás. Mogán festexa a Santo Antón de Padua o Mozo o 13 de xuño, e ao Grande o primeiro domingo de agosto, cunha romaría na que participan todos os pagos do municipio. Ao seu termo realízase un canto de gran tradición: o canto aos Pajaritos. A festividade de Santo Antón o Grande naceu como unha promesa ante unha praga de cigarras que azoutou os cultivos.
Demografía
Ano Poboación Densidade 1991 8.688 - 1996 10.398 - 2001 12.444 72,34/km² 2002 15.935 98,07/km² 2003 15.932 98,06/km² 2004 15.176 88,17/km² 2006 16.569 96,09/km² 2007 18.547 107,56/km² 2010 22.638 131,29/km²
Localidades Veneguera Puerto de Mogán Tauro Puerto Rico Arguineguín Soria Mogán
miniatura|250px|Porto de Mogán
Lugares de interese Muíño de Vento Igrexa de Santo Antón de Padua Zona arqueolóxica de Castilletes de Tabaibales Zona arqueolóxica de Las Crucecitas.
Festas A nosa Señora María Auxiliadora, Puerto Rico (30 de maio) Santo Antón de Padua, Mogán casco (13 de xuño) A nosa Señora do Carme, Arguineguín (16 de xullo) Festas de Veneguera (15 de agosto) Inmaculada Concepción, Barranquillo Andrés (8 de decembro).
Véxase tamén
Ligazóns externas Concello de Mogán