Dookie é o terceiro álbum de estudio da banda estadounidense de punk rock Green Day, editado o 1 de febreiro de 1994 a través do selo Reprise Records. Foi a primeira colaboración do grupo co produtor Rob Cavallo e a súa estrea cunha gran discográfica. Dookie`` converteuse nun éxito comercial en todo o mundo, chegando ao número 2 da Billboard 200 e entrando nas listas de sete países. O álbum impulsou a Green Day cara o gran público, e a comunidade punk rock dixo que a banda “se vendera”.Dookie produciu cinco exitosos sinxelos: "Longview", a regravada "Welcome to Paradise", "Basket Case", "When I Come Around" e "She". No ano 2010 Dookie era o álbum máis vendido da banda, con 15 millóns de copias mercadas en todo o mundo. O disco gañou o Grammy ao mellor álbum de música alternativa en 1995. No ano 2003 a revista Rolling Stone situou a Dookie'' no número 193 da súa lista dos 500 mellores álbums de todos os tempos, e en abril do ano 2016 a mesma publicación colocouno no posto 18 da súa lista dos 40 mellores álbums de punk de todos os tempos.
Listaxe de cancións
Notas
Categoría:Álbums de Green Day Categoría:Álbums musicais de 1994 Categoría:Álbums de Reprise Records Categoría:Álbums producidos por Rob Cavallo