Rafael Pillado Lista, nado en San Cibrao (Cervo) o 12 de xuño de 1942 e finado en Ferrol o 20 de febreiro de 2023, foi un antigo político e militante sindical galego.
Traxectoria Cando tiña tres anos o seu pai, militante comunista, foi detido e lévano para a cadea en Ferrol. Estableceuse coa nai en Ferrol para estar preto do pai e aos 15 anos comezou a traballar en Bazán, os estaleiros de Ferrol. En 1960 ingresou no Partido Comunista de España e nas Xuventudes Comunistas con 18 anos. Fixo o servizo militar e á volta participou nun campo de formación do PCE en Alemaña do Leste. En 1966 participou na creación das primeiras formacións sindicais non oficiais da ditadura, coa creación das Comisións Obreiras de Bazán, de onde se acaba por formar as Comisións Obreiras de Galicia"Unha folga xeral non vai resolver todo, pero incorpora sectores novos, ensínalles que hai que estar unidos", entrevista de Marcos Pérez Pena para Praza Pública, 9/3/2012..
O 10 de marzo do ano 1972 os traballadores da Empresa nacional Bazán, convocaron unha manifestación en sinal de protesta e rexeitando o convenio colectivo interprovincial. As manifestacións sindicais polo establecemento dun novo convenio laboral dentro de Bazán, saldáronse co homicidio de Amador Rey e Daniel Niebla, mortos por disparo da policía franquista. Daquela Rafael Pillado estaba no Sindicato Vertical. En 1972 foi encarcerado, e non foi posto en liberdade ata a amnistía de 1976. Encabezou a candidatura do PCG pola provincia da Coruña nas primeiras eleccións democráticas.El Pueblo Gallego, 13-4-1977, p. 13. En 1979 foi elixido secretario xeral do Partido Comunista de Galicia, en substitución de Santiago Álvarez. Naquela altura foi partidario do eurocomunismo.
Anos despois foi expulsado do PCG e o PCE, e sumouse ao Partido Comunista de Galicia - Marxista Revolucionario, a formación que en España lideraba Santiago Carrillo como escisión do PCE. miniatura|Placa conmemorativa a Rafael Pillado. Barrio de Caranza (Ferrol) 2025 Posteriormente pasou ao PSOE, do que tamén se deu de baixa, para pasar a apoiar a AGE (Alternativa Galega de Esquerdas). Participou tamén nas manifestacións contra os gaseiros na ría de Ferrol e foi directivo da Asociación Cultural "Fuco Buxán".
Doente de cancro, denunciou a Navantia pola contaminación por amianto nos seus anos de traballo. Finalmente faleceu como consecuencia do cancro de pulmón.
En febreiro de 2025, como recoñecemento e homenaxe a súa traxectoria, inagurouse o novo nome do paseo marítimo de Caranza que será agora Avenida do Mar Rafael Pillado. A iniciativa, foi proposta polas asociacións Fuco Buxán, Asociación Galega de Vítimas do Amianto (Agavida), Memoria Histórica Democrática e a asociación vecinal de Caranza, e aprobada por unanimidade pola corporación municipal.
Notas
Véxase tamén Bibliografía
Ligazóns externas Narración dos feitos do 10/3/1972: Entrevista a Rafael Pillado (parte 1). MTS 6'55", (parte 2). MTS 14'44" en YouTube.
Categoría:Políticos do PCG Categoría:Sindicalistas de CCOO de Galicia Categoría:Nados en Cervo Categoría:Nados en 1942
Categoría:Finados en 2023 Categoría:Personalidades de Galicia sen imaxes Categoría:Finados por cancro de pulmón