dereita|miniatura|350px|Imaxe por satélite da Australia.
A maior parte da xeografía de Australia está composta por desertos ou zonas semiáridas (o 40 % da masa terrestre está cuberta por dunas de area). Só os extremos sueste e suroeste teñen un clima temperado e un chan moderadamente fértil. A parte norte do país ten un clima tropical: parte é bosque tropical, parte son pastos e parte é deserto. A Gran Barreira de Coral, o maior arrecife de coral do mundo, sitúase a pouca distancia da costa nordeste e esténdese por máis de 1.200 km. O Uluru (coñecido como Ayers Rock ata 1986) é o maior monólito do mundo e sitúase na Australia central.
Datos xerais Localízase en Oceanía, continente situado entre o océano Índico e o océano Pacífico sur.
As súas coordenadas xeográficas son 27°0′ S, 133°0′ E.
Ten unha área total de 7.686.850 km², dos que 7.617.930 son de terra e 68.920 de auga, incluídas a illas de Lord Howe e a illa Maccarie.
Non ten fronteiras terrestres e a súa costa é de 25.760 km.
Reivindicacións marítimas Zona contigua: 24 millas náuticas. Plataforma continental: 200 millas náuticas ou ata o bordo do talude continental. zona económica exclusiva: 200 millas náuticas. Mar territorial: 12 millas náuticas.
Configuración e aproveitamento do terreo A maior parte do territorio é un planalto baixo e desértico; unha planicie fértil no sueste. O punto máis baixo do territorio é o Lago Eyre (15 m) e máis elevado é o Monte Kosciuszko (2.229 m).
Os recursos naturais máis abundantes son: bauxita, carbón, ferro, cobre, estaño, ouro, prata, uranio, níquel, tungsteno, areas minerais, chumbo, cinc, diamantes, gas natural e petróleo.
Canto ao uso da terra, en estimacións de 1993, un 6 % é de labor, non hai cultivos permanentes, o 54 % corresponde a pastos permanentes, un 19 % a bosques e o 21 % restante a outros aproveitamentos. De todo o territorio, 21.070 km2 son de terra irrigada.
Cuestión ambiental
Perigos naturais Ciclóns ao longo da costa. Secas severas e inundacións ocasionais. Incendios forestais frecuentes.
Problemas actuais Erosión de solos proveniente da sobrepastaxe, do desenvolvemento industrial, da urbanización e das prácticas agrícolas incorrectas. Aumento da salinidade dos solos debido ao uso de auga de má calidade. Desertificación. Limpeza de matas para uso agrícola, que ameaza o hábitat natural de moitas especies únicas de animais e plantas. A Gran Barreira de Coral, o maior arrecife natural do mundo, está ameazado polo aumento de tráfico marítimo e pola súa popularidade como destino turístico. Os recursos naturais de auga doce son limitados.
Acordos internacionas asinados Tratado Antártico. Convenio sobre a Diversidade Biolóxica. Convención Marco das Nacións Unidas sobre o Cambio Climático. Convenio CITES sobre o comercio con especies ameazadas. Convenio ENMOD sobre modificación ambiental. Convención de Basilea sobre residuos perigosos. Convención das Nacións Unidas sobre o Dereito do Mar. Convenio de Londres sobre prevención da polución mariña. Convención sobre a conservación da vida mariña. Tratado de Prohibición parcial de Ensaios Nucleares. Tratado de Non Proliferación Nuclear. Protocolo de Montreal sobre a protección da capa de ozono. Convenio MARPOL 73/78 sobre a polución provocada por buques. Convenio Internacional das Madeiras Tropicais. Convención de Ramsar spobre zonas húmidas e aves acuáticas. Convención Internacional para a Regulación da pesca da Balea.
Véxase tamén
Outros artigos Gran Baía Australiana Desertos de Australia
*