Oitocentos é unha novela de Xavier Franco Alonso, publicada por Editorial Galaxia en xuño de 2004. O título fai referencia á proba de atletismo de 800 metros.
Trama
Hadrián é un rapaz de 28 anos de Vigo, delineante e atleta. Logo de varios anos en Barcelona cunha bolsa como corredor de 800 metros lisos, abandona o deporte profesional e regresa á súa cidade.
Alí retoma a vida que levaba xunto á súa familia (a nai, a irmá e unha sobriña) e xunto aos seus amigos. Ao tempo, preocúpase de atopar traballo, e mesmo comeza unha relación amorosa cunha antiga compañeira de adestramentos.
A obra remata cun final aberto, coa maioría dos personaxes sendo felices coas súas vidas.
Narración A obra está ambientada en Vigo entre o outono de 1996 e a primavera de 1997. Faise referencia a acontecementos da época, como os pasados Xogos Olímpicos de 1996 ou a morte de Marcello Mastroianni.
Está narrada en terceira persoa, cun narrador omnisciente.
Véxase tamén Ligazóns externas Ficha na web da editorial.
Categoría:Obras literarias de 2004 Categoría:Novelas en galego Categoría:Novelas ambientadas en Vigo Categoría:Editorial Galaxia