Enrique Otero Aenlle, nado en Ribadeo o 20 de outubro de 1913 e finado en Madrid o 31 de marzo de 1992, foi un profesor e político galego.
Traxectoria Licenciado en Farmacia pola Universidade de Santiago de Compostela (1934) e en Ciencias Químicas en Santiago e Madrid (1940). En 1941 doutorouse en Farmacia e en 1946 obtivo a praza de catedrático de Técnica Física e Fisicoquímica da Facultade de Farmacia da USC, para pasar despois ás universidades de Barcelona e Madrid, onde foi director do Departamento de Fisicoquímica e Técnicas Instrumentais da Facultade de Farmacia da Universidade Complutense (1969-1983). Investigador do Padroado Juan de la Cierva do CSIC. Foi nomeado alcalde de Santiago de Compostela en 1949. Foi gobernador civil de Lugo (1957-1961) e Salamanca (1961-1968), e deputado provincial da Coruña (1964-1968).
Obras Estudios oceanográficos de la ría de Vigo, 1941. Estudios acerca de algunos aceites de animales marinos, 1943. Análisis de grasas, ceras y sus mezclas comerciales, 1945. Introducción al estudio de la físico-química, 1950, Porto y Cía. Editores. Sanidad y desarrollo, 1963. Orden y estabilidad en los sistemas biológicos, 1973. Perspectivas biofísicas en medicina, ecología y sociología, 1976. Momentos estelares del pensamiento científico, 1978.
Véxase tamén Ligazóns externas Biografía na páxina web da Real Academia Nacional de Farmacia
Categoría:Alcaldes de Santiago de Compostela Categoría:Alcaldes de Galicia durante o franquismo e a transición Categoría:Gobernadores civís de Lugo Categoría:Oceanógrafos de Galicia Categoría:Nados en Ribadeo Categoría:Nados en 1913 Categoría:Finados en 1992 Categoría:Personalidades de Galicia sen imaxes Categoría:Membros correspondentes da Real Academia Galega Categoría:Alumnos da Universidade de Santiago de Compostela Categoría:Académicos da Real Academia Nacional de Farmacia