Beji Caid el Sebsi, nado en Sidi Bou Said, Tunisia, o 29 de novembro de 1926 e finado en Tunes o 25 de xullo de 2019, foi un político e avogado tunisiano, que foi presidente de Tunisia de 2014 ata a súa morte en 2019.
Ocupou o posto de primeiro ministro desde o 27 de febreiro de 2011, trala dimisión de Mohamed Ghannouchi como consecuencia dunha forte presión popular, no contexto da revolución que expulsou do poder ao presidente Zine el-Abidine Ben Ali. Foi sucedido o 24 de decembro de 2011 por Hamadi Jebali, logo de celebrarse eleccións.
Máis tarde fundou o partido Nidaa Tounes, co que se presentou ás eleccións presidenciais de 2014, resultando vencedor en segunda volta.
Foi decano do Colexio de Avogados da Tunisia e ministro das relacións exteriores durante o goberno de Habib Bourguiba.
Notas
Categoría:Primeiros ministros de Tunisia Categoría:Finados en 2019 Categoría:Nados en 1926 Categoría:Nados en Tunisia