right|thumb |300px|Mapamundi, por Cosmas Indicopleustes. Cosmas Indicopleustes (literalmente "o que navegou á India"), de Alexandría, foi un mercador grego e despois un monxe, probabelmente con tendencias nestorianas. Viaxou moito durante o século VI e foi diversas veces á India durante o reinado do emperador romano Xustiniano. A súa Topographia Christiana contén algúns dos máis antigos e famosos mapamundis. Topographia Christiana Por volta de 550, Cosmas escribiu Topografia Christiana, moi ricamente ilustrado, unha obra baseada en parte nas súas experiencias persoais como mercador no Mar Vermello e no océano Índico no inicio do século VI. A súa descrición da India e de Sri Lanka neste período é de valor inestimábel para os historiadores. Cosmas aparece como un guía interesante e fiábel, informando sobre un mundo que xa non existe Estaba en Adulis na costa eritrea do Mar Vermello cando o rei de Axum estaba preparando unha campaña militar para atacar o rei xudeu Dhu Nuwas, no Iemen, que viña perseguindo os cristiáns. A pedido do rei axumita e como preparación para a súa campaña, preservou algunhas inscricións hoxe perdidas, como a do Monumentum Adulitanum (erroneamente atribuído a Tolomeo III Everxetes). Indicopleustes esquerda|miniatura| 250px| Topographia Christiana Malia ser xa coñecido que existía un comercio entre o Imperio romano e a India a partir do século -I a través de fontes na literatura clásica (principalmente Periplus Maris Erythraei), o relato de Cosmas é un dos poucos feitos por individuos que de feito fixeron a viaxe. Describiu e debuxou o que viu e algúns destes manuscritos foron copiados para as versións actuais, datando a máis antiga do século IX. En 522 visitou a costa de Malabar (sur da India) e foi o primeiro viaxeiro en mencionar a existencia de cristiáns siríacos na rexión:
Terra plana Unha característica fundamental da súa Topographia é o punto de vista de Cosmas de que o mundo é plano e que o ceo ten a forma dunha caixa cunha tampa curva. Desdeñaba a opinión de Tolomeo e outros que crían que o mundo era esférico. Cosmas buscaba probar que os xeógrafos precristiáns estaban errados ao afirmar que a Terra era esférica afirmando polo contrario fora modelada no tabernáculo, o templo descrito a Moisés por Deus durante o Éxodo do Exipto. Porén, esta idea de que a terra sería plana xa era minoritaria nos círculos máis educados do occidente xa desde o século -III.. O punto de vista de Cosmas nunca foi moi influente, mesmo nos círculos relixiosos e un cristián case contemporáneo, Xoán Filopono, discordaba del, así como a maior parte dos filósofos cristiáns da época.
Notas
Véxase tamén Bibliografía Kenneth Willis Clark collection of Greek Manuscripts: Cosmas Indicopleustes, Topographia. Cosmas Indicopleustes, ed. J.W. McCrindle (1897). The Christian Topography of Cosmas Indicopleustes. Hakluyt Society. (Reissued by Cambridge University Press, 2010. ISBN 978-1-108-01295-9) Cosmas Indicopleustes, Eric Otto Winstedt (1909). The Christian Topography of Cosmas Indicopleustes. The University Press Jeffrey Burton Russell (1997). Inventing the Flat Earth. Praeger Press Dr. Jerry H Bentley (2005). Traditions and Encounters. McGraw Hill. Wanda Wolska-Conus. La topographie chrétienne de Cosmas Indicopleustes: théologie et sciences au VIe siècle Vol. 3, Bibliothèque byzantine. París: Presses Universitaires de France, 1962. Cosmas Indicopleustes. Cosmas Indicopleustès, Topographie chrétienne. Translated by Wanda Wolska-Conus. 2 vols. París: Les Editions du Cerf, 1968.
Ligazóns externas
Categoría:Exploradores