Dorival Guidoni Júnior, coñecido como Doriva, nado o 28 de maio de 1972 en Nhandeara (Brasil) é un exfutbolista brasileiro que xogaba na demarcación de centrocampista.
Traxectoria Comezou xogando ao fútbol no São Paulo Futebol Clube no ano 1991, equipo que alternou con cesións no Anapolina AA e no Goiânia EC. En 1995 foi traspasado ao XV Paracicaba, da terceira división brasileira, e co que acadou o ascenso sendo un dos xogadores máis destacados do equipo. Este bo papel fixo que fichara polo Clube Atlético Mineiro e de aí dese o salto a Europa, fichando polo FC Porto no verán de 1997 despois de gañar o Balón de prata brasileiro. Despois de dúas tempadas no Porto fichou pola UC Sampdoria da Serie A italiana.
No ano 2000 fichou polo Celta de Vigo, por aquel entón xa asentado nas competicións europeas e que aspiraba a un salto de calidade. Compartiría centro do campo con xogadores nun grande estado de forma como Giovanella, Vagner ou o peruano Jayo. As lesións fixeronlle perder a titularidade en favor deste último, que chegou ao equipo no mercado de inverno.
Nos tres anos que militou no Celta o equipo clasificouse para competición europea, para a Copa da UEFA nas dúas primeiras e para a Liga de Campións na última, porén o seu peso no equipo foi indo a menos coa chegada de xogadores como Peter Luccin ou José Ignacio. Precisamente no mercado de inverno deste último ano sería cedido ao Middlesbrough FC.
O equipo inglés faríase coa súa propiedade e alí militou tres tempadas máis conquistando a Copa da Liga no ano 2004. Ao remate do contrato co Boro fichou por outro equipo inglés, o Blackpool FC, onde so xogaría uns meses para volver posteriormente ao Brasil para xogar no América de Sao Paulo e retirarse no Mirassol FC no ano 2008.
Coa selección de fútbol O 27 de abril de 1995, xogando no Clube Atlético Mineiro, foi convocado por primeira vez coa Selección de fútbol do Brasil e foi xa xogando no FC Porto cando debutou nunha Copa Mundial, en Francia 1998.
Palmarés Clubs São Paulo Campeonato Brasileño de Serie A: 1991 Copa Libertadores: 1993 Recopa Suramericana: 1993, 1994 Supercopa Suramericana: 1993 Mundial de Clubs: 1993
XV de Piracicaba Campeonato Brasileño de Serie C: 1995
Atlético Mineiro Copa Conmebol: 1997
Porto Primeira Liga: 1997-98, 1998-99 Taça de Portugal: 1997-98
Celta de Vigo Copa Intertoto da UEFA: 2000
Middlesbrough Copa da Liga Inglesa: 2003-04
Adestrador Ituano Campeonato Paulista: 2014
Vasco da Gama Campeonato Carioca: 2015
Categoría:Nados en 1972 Categoría:Nados no estado de São Paulo Categoría:Futbolistas do Brasil Categoría:Centrocampistas de fútbol Categoría:Xogadores do São Paulo FC Categoría:Xogadores do Associação Atlética Anapolina Categoría:Xogadores do Goiânia Esporte Clube Categoría:Xogadores do EC XV de Novembro (Piracicaba) Categoría:Xogadores do Clube Atlético Mineiro Categoría:Xogadores do FC Porto Categoría:Xogadores do UC Sampdoria Categoría:Xogadores do Celta de Vigo Categoría:Xogadores do Middlesbrough FC Categoría:Xogadores do Blackpool FC Categoría:Xogadores do América Futebol Clube (SP) Categoría:Xogadores do Mirassol FC Categoría:Xogadores da selección de fútbol do Brasil Categoría:Adestradores de fútbol do Brasil Categoría:Adestradores do Vasco da Gama Categoría:Adestradores do CA Paranaense Categoría:Adestradores do Criciúma Esporte Clube Categoría:Adestradores do EC Bahia Categoría:Adestradores do Santa Cruz FC Categoría:Adestradores do São Paulo FC