José Besada Domínguez, nado no Grove o 17 de marzo de 1881 e finado no mesmo concello o 7 de xaneiro de 1971,Necrolóxica en La Voz de Galicia, 8-1-1971, p. 4. foi un empresario, agrarista e político galego.
Traxectoria Organista da parroquia, aos sete anos formaba parte da agrupación musical do Grove da que chegou a ser director aos catorce. En 1900 emigrou a Buenos Aires. Integrado na comunidade galega creou a Banda de Música de Avellaneda e foi director do seu orfeón. En 1905 retornou ao Grove, abriu unha carpintería e un ultramarinos, e tamén a Panadería Besada. En 1914 abriu unha sala de espectáculos que denominou "Manuel Quiroga". Organizou novamente a banda de música da que foi outra vez director, e compuxo algunhas pezas musicais, "Vida Galega" é a máis coñecida. Agrarista, compuxo en 1914 un himno para a Unión Agraria do Grove. En 1921 abriu unha sala cinematográfica, o Teatro-Cine Besada, e amenizaba musicalmente as películas mudas tocando el mesmo o piano.
Na Segunda República foi elixido alcalde do Grove nas eleccións de maio de 1931.Una fotografía para la memoria y con mucha historia Logo da folga xeral revolucionaria de 1934 foi cesado como alcalde. Logo da vitoria da Frente Popular foi reposto no cargo o 21 de febreiro de 1936, pero ao día seguinte presentou a dimisión, alegando as moitas dificultades para exercer o cargo.El Pueblo Gallego, 26-2-1936, p. 10. Logo do golpe de Estado do 18 de xullo de 1936 estivo fuxido e foi represaliado."Falleció D. José Besada Domínguez", ''El Pueblo Gallego, 10-1-1971, p. 15.
Vida persoal Casou con Dolores Álvarez Gondar e foi pai de Peregrina, José, Dolores, Miguel e Fernando Besada Álvarez.
Notas
Véxase tamén Ligazóns externas
José Besada, un 'meco' histórico
Categoría:Galegos da Arxentina Categoría:Personalidades do agrarismo Categoría:Alcaldes do Grove
Categoría:Alcaldes de Galicia durante a II República Categoría:Nados en 1882 Categoría:Finados en 1971 Categoría:Personalidades de Galicia sen imaxes