Жорж Бернанос ( – ) — француски писател и војник во Првата светска војна. Бил воспитуван според римокатолички и монархистички убедувања, бил критички настроен кон буржоазијата и кон дефетизмот.Allen, W. Gore (1948). "George Bernanos: A Mystic in the World," The Irish Monthly, Vol. 76, No. 903, pp. 414-416. Според него, поради тие две сфаќања Франција била окупирана од Германија за време на Втората светска војна.Tobin, Michael R. (2007). Georges Bernanos: The Theological Source of his Art. McGill-Queen's University Press. Многу од неговите дела се преведени на англиски јазик и објавени во Британија и САД.
Животопис Бернанос е роден во Париз, во работничко семејство, а детството го минал во областа Па де Кале, каде што дејството во неговите романи најчесто се одвивало. Бил војник во Првата светска војна, а учествувал во битките кај Сома и Верден. Бил ранет неколкупати за време на битките. По војната, работел во осигурителна компанија пред да ја напише Под Сонцето на Сатаната.
И покрај неговите анти-демократски ставови и приврзаноста кон крајно десничарската партија Француска акција, во чиј подмладок членувал самиот тој, Бернанос гледал опасност во фашизмот и нацизмот пред да започне Втората светска војна. Ја освоил големата награда за роман од француската академија за делото Дневникот на селскиот свештеник во 1936.
Во почетокот го поддржувал Франциско Франко за време на Шпанската граѓанска војна,Hellman, John (1990). "Bernanos, Drumont, and the Rise of French Fascism," The Review of Politics, Vol. 52, No. 3, pp. 441-459. но по посетата на Мајорка за време на војната, останал згрозен од теророт врз месното население и национализмот му станал одбивен, а го критикувал во книгата Дневник на моето време од 1938.Georges Bernanos. A Diary of My Times, London: Boriswood, 1938, p. 85. Критиката смета дека Бернанос ги напишал своите најдобри дела во периодот 1926-1937.
Бернанос се преселил во Бразил во 1938 поради политичката тензија во Европа. Таму останал до 1945, најмногу време во Барбасена, каде имал сопствена фарма. Неговите тројца синови се вратиле во Франција за да учествуваат во војната. За време на прогонот, тој остро го критикувал Вишиевскиот режим, а станал приврзаник на конзервативната партија Слободна Франција на Шарл де Гол. По крајот на војната, де Гол го поканил Бернанос да се врати во Франција, нудејќи му работно место во владата. Бернанос не се вратил, не сакајќи активно да се занимава со политика.
Библиографија Под Сонцето на Сатаната (1926) Криминал (1935) Дневникот на селскиот свештеник (1936) Нова приказна за Мушет (1937) Господин Олин (1943) Лош сон (1950)
Наводи
Надворешни врски
Биографија на англиски јазик (version in Archive.org) Оставнината на Жорж Бернанос Жорж Бернанос (1888-1948) Дела од Жорж Бернанос (public domain in Canada)
Категорија:Француски писатели Категорија:Французи од Првата светска војна