«Physical» er ein song av den australske songarinna Olivia Newton-John for det 12. studioalbumet hennar, Physical. Han vart gjeven ut i september 1981 på MCA Records som den første singelen frå albumet. Songen vart skriven av Steve Kipner og Terry Shaddick, som opphavleg hadde tenkt å gje han til den britiske songaren Rod Stewart, medan produksjonen vart gjort av John Farrar.Juke Magazine, 13. mars 1982.
Songen vart ein umiddelbar suksess og selde 2 millionar eksemplar i USA, som gav ho platinaplate, og låg 10 veker på toppen av Billboard Hot 100. Dette vart dermed den største singelen til Newton-John i USA. Songen nådde sjuandeplassen i Storbritannia i november. Songen vart nominert til Grammyprisen for beste kvinnelege popsong.
Singelen har i alt seld kring 2,5 millionar eksemplar.
Soge Han vart spelt inn tidleg i 1981 og gjekk til toppen av Billboard Hot 100 i USA i november 1981, der han låg i ti veker til slutten av januar 1982. Billboard rangerte han som den mestseljande singelen for 1982 (salsåret starta i november 1981), og ein av dei mestseljande singlane på lista i 1980-åra. Gitarsoloen i songen vert framført av Steve Lukather.
Songen var kvassare enn songar Newton-John var kjend for tidlegare, som songane frå Grease og den store countrypop-hiten «I Honestly Love You». Songen vart til og med bannlyst av enkelte radiostasjonar på grunn av det seksuelle innhaldet, til dømes linja «There's nothing left to talk about unless it's horizontally».
Musikkvideoen for songen vart regissert av Brian Grant.
Ettermæle Billboard rangerte songen på sjetteplassen på lista deira All Time Top 100 og øvst på lista deira Top 50 Sexiest Songs Of All Time.
Ein bossanova-versjon av songen vart gjeven ut i 2002 på duettalbumet til Newton-John kalla (2), som eit bonusspor.
I nyare tid rangerte Matthew Wilkening frå AOL Radio i 2010 songen på 39. plass på lista over dei 100 verste songane gjennom tidene.
Andre versjonar Elephant Man med Kat DeLuna sampla songen i «Body Talk» på albumet Let's Get Physical i 2008. Victor Willis frå Village People spelte inn songen i 1982 for singelutgjeving. Ramsey Lewis spelte songen i 1983 på albumet Les Fleurs. Industrial metal-bandet Revolting Cocks spelte songen i 1990 på albumet Beers, Steers, and Queers. Elektro-duoen Goldfrapp spelte songen på Utopia frå debutalbumet deira Felt Mountain. Sophie Ellis-Bextor spelte inn songen som eit gøymd spor på albyumet hennar Shoot from the Hip. Kylie Minogue spelte ein versjon av songen i filmmusikken til filmen Moulin Rouge! frå 2011, men han vart ikkje nytta i filmen. Han vart sidan gjeven ut på ei utgåve av albumet Light Years. Synthpop-gruppa Queen of Japan spelte ein versjon av songen for ein singel i 2001. Marc Kudisch og Lisa Capps framførte songen på konsert i 2002. Kent James (aka Nick Name) gav ut songen i 2003. Electropop-bandet The Black Ghosts spelte ein versjon av songen. Steve Carell og Amy Ryan syng ein perodi av songen i ein episode av The Office.
Lister Liste (1981–82)PlasseringAustralia (Kent Music Report)1Canada (RPM)1Tyskland (Media Control AG)4Irland (IRMA)4Japan (Oricon)17Nederland (Dutch Top 40)4New Zealand (RIANZ)1Sverige (Sverigetopplistan)15Sverits (Schweizer Hitparade)1UK Singles (The Official Charts Company)7US Billboard Hot 1001US Adult Contemporary (Billboard)29Liste (2010)PlasseringUS Billboard Hot 100Glee-versjon med Jane Lynch89
Kjelder
Denne artikkelen bygger på «Physical (song)» frå , den 26. august 2014. oppgav desse kjeldene:
Bakgrunnsstoff MTV Video
Kategori:Songar frå 1981 Kategori:Singlar frå 1981 Kategori:Songar på toppen av Billboard-lista Kategori:Nummer-ein-singlar på European Hot 100 Singles Kategori:Nummer-ein-singlar i Australia Kategori:Nummer-ein-singlar i New Zealand Kategori:Nummer-ein-singlar i Sveits Kategori:Nummer-ein-singlar i Canada Kategori:Olivia Newton-John-songar Kategori:Songar skrivne av Steve Kipner Kategori:Songar om seksualitet Kategori:Songar produserte av John Farrar Kategori:Kylie Minogue-songar Kategori:Sophie Ellis-Bextor-songar