mini|Det sakna flyet, 9M-MRO, fotografert i 2003. mini|Den kjende flygeruta til Flight 370, basert på sivil og militær radar.
Malaysia Airlines Flight 370 (MH370/MAS370) var ei internasjonal passasjerflyging frå Kuala Lumpur i Malaysia til Beijing i Kina som forsvann den 8. mars 2014 over Sørkinahavet. Skjebnen til flyet er blitt verande ukjend.
Flyet var ein Boeing 777-200ER som tilhøyrte Malaysia Airlines. Det hadde til saman 239 menneske ombord; 227 passasjerar og 12 tilsette. Flyet hadde sin siste kontakt med flygekontrollen i Malaysia under ein time etter at det letta, og forsvann frå radaren deira 01:20 MYT (17:21 UTC). Det forsvann ut av radarområdet til den malaysiske marinen klokka 02:15 MYT, då det hadde bytta kurs og flaug over Andamanhavet. Verken mannskapet eller kommunikasjonssystemet til flyet sende ut noko naudsignal, rapportar om uvêr eller tekniske problem før flyet forsvann.
Leiting etter flyet byrja i Thailand-bukta og Sørkinahavet, men blei snart utvida til Malakkasundet og Andamanhavet. Analysar av satellittkommunikasjon slo fast at flyet truleg ende ein stad sør i Indiahavet. Australia tok over leiinga av søket, og ei undersøking av havbotnen byrja i oktober 2014.
Kjelder
Denne artikkelen bygger på «Malaysia Airlines Flight 370» frå , den 28. desember 2014.
Bakgrunnsstoff Joint Agency Coordination Centre (JACC). Det koordinerte søket leia av Australia. ATSB investigation of Flight 370 - Nettstaden til Australian Transport Safety Bureau om MH370. https://www.nrk.no/urix/norsk-skip-skal-lete-etter-mh370-1.13841363
Kategori:Hendingar i 2014 Kategori:Flyulukker