Bat Yam (hebraisk: בַּת יָם eller בַּת־יָם) er ein by ved middelhavskysten i Israel, på den sentrale kyststripa, like sør for Tel Aviv. Han er ein del av Gush Dan storbyområde i Tel Aviv distrikt og har 130 000 innbyggjarar.
Historie mini|venstre|Bat Yam-stranda mini|venstre|Forsvararplassen Bat Yam vart grunnlagd i 1926 som Bayit VaGan (hebraisk skrift בית וגן; Hus og hage). Under Palestinaopprøra i 1929 vart byen angripen av palestinarar frå Jaffa og vart evakuert av dei britiske styresmaktene. I 1930 vart han busett på ny. I 1936 fekk han status som lokal kommune og vart omdøypt Bat Yam. I 1945 budde 2 000 jødar i Bat Yam.Government of Palestina, Village Statistics, 1945, p52. I følgje the Jewish National Fund hadde byen i 1947 eit folketal på 4 000.
Etter vedtaket til Dei sameinte nasjonane om ein delingsplan den 29. november 1947 og den påfølgjande borgarkrigen, vart innbyggjarar både i Bat Yam og Jaffa råka av valdelege handlingar, inkludert snikskyttarar. Den 13. mai 1948 overgav Jaffa seg til jødiske styrkar.
I åra etter at landet Israel oppstod, voks Bat Yam kraftig på grunn av masseimmigrasjon og han fekk bystatus i 1958. Ein liten hasidisk enklave av Bobover Hasidim, kalla Kiryat Bobov, vart grunnlagd i 1959. Byen har eit større samfunn med jødar frå Tyrkia (kring 23% av folketalet). Bat Yam opplevde nok ein periode med kraftig vekst tidleg i 1980-åra til seint i 1990-åra, med masseimmigrasjon frå det tidlegare Sovjetunionen og Etiopia.Det bur òg ein del arabarar i Bat Yam, både muslimar og kristne, og mange av dei flytta frå Jaffa. Ein god del vietnamesisk-israelarar eller vietnamesarar av israelsk opphav, bur i Bat Yam.
Idrett mini|Bat Yam kommunale stadion Den største fotballklubben i byen, Maccabi Ironi Bat Yam, spelar for tida i Liga Leumit, det tredje nivået i israelsk fotball.
Al Gal-stranda i byen vert rekna som ein av dei beste stadane for surfing i regionen.
Venskapsbyar Bat Yam er venskapsby med: Kragujevac i Serbia Livorno i Italia Antalya i Tyrkia Kutno i Polen Villeurbanne i Frankrike Valparaíso i Chile Aurich i Tyskland Neukölln i Berlin i Tyskland Salinas i Ecuador
Kjelder Denne artikkelen bygger på «Bat Yam» frå , den 5. september 2015. oppgav desse kjeldene:
Bakgrunnsstoff Offisiell nettstad Surfing in Bat-Yam
Kategori:Busetnader grunnlagde i 1926 Kategori:1926 i Palestina Kategori:Jødiske landsbyar i Palestinamandatet Kategori:Kystbusetnader i Israel Kategori:Byar i Tel Aviv distrikt