Ramat Gan (hebraisk: רָמַת גַּן eller רָמַת־גַּן) er ein by i Tel Aviv distrikt i Israel, like aust for Tel Aviv. Her ligg ein av dei store diamantbørsane i verda, mange høgteknologiske føretak og den høgaste bygningen i Israel, Moshe Aviv-tårnet.
Ramat Gan vart grunnlagd i 1921 som ein moshava, eit gardsbruk drive av felleskapet. Mot slutten av 2009 var folketalet 145 000.
Historie mini|venstre|Ramat Gan frå Moshe Aviv-tårnet. Ramat Gan vart grunnlagd av Ir Ganim-samskipnaden i 1921 som ein drabantby for Tel Aviv. Dei første tomtane vart kjøpt mellom 1914–1918. Busetnaden var først ein moshava, ein sionistisk jordbrukskoloni som dyrka kveite, bygg og vassmelonar. Namnet på busetnaden vart endra til Ramat Gan i 1923. Busetnaden var ein moshav fram til 1933, men han fekk status som lokal kommune alt i 1926. På denne tida hadde han 450 innbyggjarar. I 1940-åra vart ei slagmark i språkkrigen til landet: Ei jiddiskspråkleg prentepresse i Ramat Gan vart sprengd av hebraiske språkekstremistar.Pilowsky, A: «Yiddish Along_side The Revival of hebraiske Public Polemics on the Status of Yiddish in Eretz Israel, 1907–1929», Readings i Sociology of Jewish Languages, page 123. Josva Fishman ed, Leiden – E.J. Brill, 1985.
I løpet av åra har økonomien endra seg frå jordbruk til handel og industri. I 1946 var folketalet vokse til 12 000. I 1950 fekk Ramat Gan bystatus. I 1955 var folketalet på 55 000. Den førte borgarmeisteren var Abraham Krinizi, som hadde denne stillinga i 43 år. I 1961 vart kommuneområdet utvida austover, og omfatta området som i dag inkluderer Sheba medisinsentral i Tel Hashomer og Bar Ilan universitet. I 1968 vart den største diamantbørsen opna i Ramat Gan.
Geografi og klima Ramat Gan ligg i Gush Dan storbyområde aust for Tel Aviv. Han grensar i nord til Yarkonelva og i aust til Bnei Brak. Giv'atayim ligg i sørvest.
Ramat Gan får kring 500 mm nedbør i året og ligg 80 meter over havet. Han er bygd på ein kalksteinsås. Ramat Gan omfattar Nasjonalparken som dekkjer kring 1 900 mål, og Davidparken i bydelen Merom Naveh.
Idrett mini|venstre|Ramat Gan stadion
Maccabiah-spela vert halde i Ramat Gan kvart fjerde år. Ramat Gan stadion er nasjonalstadionet til Israel med plass til 41 583 innbyggjarar. Dette er det største stadionet i landet. Hakoah Amidar Ramat Gan og Hapoel Ramat Gan, som begge spelar på Winter stadion, er dei største fotballklubbane i landet, og har begge vunne meisterskap tidlegare. I basketball spelar Ironi Ramat Gan i den øvste divisjonen.
Venskapsbyar Ramat Gan er venskapsby med: Phoenix i Arizona i USA (sidan 2005) <name="Phoenix sisters"> London Borough of Barnet i Storbritannia (sidan 1976) Strasbourg i Frankrike (sidan 1991) Kassel i Tyskland (sidan 1990) Main-Kinzig-Kreis i Tyskland (sidan 2000) Weinheim i Tyskland (sidan 1999) Penza i Russland (sidan 2007) Szombathely i Ungarn Wrocław i Polen (sidan 1997) Shenyang i Kina (sidan 1993) Qingdao i Kina (sidan 2012) Rio de Janeiro i Brasil (sidan 2012)
Kjelder Denne artikkelen bygger på «Ramat Gan» frå , den 5. september 2015.
Bakgrunnsstoff Offisiell nettside
Kategori:Busetnader grunnlagde i 1921 Kategori:Byar i Israel Kategori:Ramat Gan Kategori:Byar i Tel Aviv distrikt Kategori:1921 i Palestina