Otto Dahl () var ein norsk skatterevisor frå Hamar og stortingsrepresentant frå Arbeidarpartiet for Hedmark i tida 1954-69.
Dahl var son til ein barbermeister. Sjølv gjekk han ut av middelskulen i 1931 og ein handelsskule i 1933. Deretter var han i to år assistent på kemner- og borgarmeisterkontoret i Hamar, før han frå 1935 og fram til 1942 var assistent ved Hedmark skatteinspektørkontor. Sidan var han 1942-47 rekneskapkontrollør og 1947-70 bedriftsrevisor ved same kontoret. Frå 1970 til 1978 var han fylkesrevisor i Hedmark.
Frå 1945 til 1959 var Dahl medlem i Hamar bystyre, ein stor del av tida sat han i formannskapet. Hausten 1953 vart han vald inn på Stortinget frå valkrinsen Hedmark, og vart sidan attvald dei tre neste stortingsvala. Dei tolv fyrste sesjonane var han medlem i Militærkomiteen, nestformann i komiteen frå 1957 til -65. Siste fire åra på Tinget var han medlem i Sosialkomiteen.
Kjelder Stortingsbiografi
Kategori:Stortingsrepresentantar for Hedmark Kategori:Stortingsrepresentantar frå Ap Kategori:Stortingsrepresentantar 1954-1957 Kategori:Stortingsrepresentantar 1958-1961 Kategori:Stortingsrepresentantar 1961-1965 Kategori:Stortingsrepresentantar 1965-1969 Kategori:Lokalpolitikarar i Hamar Kategori:Ap-politikarar i Hedmark Kategori:Folk frå Hamar