«Old Folks at Home» (òg kjend som «Swanee River», «Swanee Ribber» eller «Suwannee River») er ein minstrelsong skriven av Stephen Foster i 1851. Sidan 1935 har han vore den offisielle statssongen til Florida sjølv om den originale teksten i 2008 vart reinska for nedsetjande ord.
I følgje Joel Whitburn-boka Pop Memories 1890-1954 (1986), var «Old Folks at Home» det bestseljande notearket i perioden, med over tjue millionar selde eksemplar.
Komposisjon mini|venstre|Postkort som viser Suwannee-elva med songen i bakgrunnen. «Old Folks at Home» vart på trykk tilskriven E.P. Christy på tidlege noteark. Christy hadde betalt Foster for å bli kreditert, noko Foster seinare angra på.
Foster hadde skrive det meste av teksten, men sleit med å kome med eit fint namn på elva i første linje, og spurte broren om eit forslag. Det første forslaget var Yazoo (i Mississippi), som ville passa melodien, men vart avslått av Foster. Det andre forslaget var Pee Dee (i Sør-Carolina), men Foster avslo det òg. Broren såg då i eit atlas og sa Suwannee, noko Foster likte med ein gong. Han la det til teksten og feilstava namnet «Swanee» for at det skulle passe til melodien.
Foster sjølv såg aldri Suwannee-elva, eller vitja Florida, men populariteten til songen gjorde at turismen auka til Florida for å sjå elva.
Kjende innspelingar Joel Whitburn har identifisert tidlege innspelingar av Len Spencer (1892), Vess Ossman (1900), Haydn Quartet (1904), Louise Homer (1905), Alma Gluck (1915), Taylor Trio (1916) og Oscar Seagle and Columbia Stellar Quartet (1919).
Songen vart populær på ny i 1930-åra med hitversjonar av Jimmie Lunceford og Bunny Berigan. Bing Crosby song songen i 1935 i filmen Mississippi og song òg songen inn på plate same året.
Kjelder Denne artikkelen bygger på «Old Folks at Home» frå , den 9. juli 2017. oppgav desse kjeldene:
Kategori:Songar frå 1851 Kategori:USA-amerikanske folkeviser Kategori:Blackface minstrel-songar Kategori:Songar skrivne av Stephen Foster Kategori:Delstatssongar i USA Kategori:Songar om alderdom Kategori:Chuck Berry-songar Kategori:Louis Armstrong-songar Kategori:Pete Seeger-songar Kategori:Julie London-songar Kategori:Chet Atkins-songar Kategori:Mormon Tabernacle Choir-songar Kategori:The Beach Boys-songar Kategori:Fats Domino-songar Kategori:Hugo Montenegro-songar Kategori:Billy Vaughn-songar Kategori:Nitty Gritty Dirt Band-songar Kategori:Dr. John-songar Kategori:Jools Holland-songar Kategori:Ike Turner-songar Kategori:Ray Charles-songar Kategori:Brenda Lee-songar Kategori:Kultur i Florida