Rough and Ready er det tredje albumet til The Jeff Beck Group og det første av to av den andre utgåva av bandet. Det kom ut i 1971 og består av meir jazz, soul og R&B enn tidlegare Beck-album. Som låtskrivar medverka Beck med fleire stykke til Rough and Ready enn han hadde gjort før, eller skulle kome til å gjere igjen. Beck henta inn Bobby Tench som vokalist og det var òg debuten til Max Middleton som klaverspelar. Andre medlemmar i denne besetninga var trommeslagaren Cozy Powell og bassisten Clive Chaman.
Historie Tidleg i april 1971 var Beck og The Jeff Beck Group framleis under kontrakt med RAK, og Beck starta opp att bandet sitt med klaverspelaren Max Middleton, trommeslagaren Cozy Powell, bassisten Clive Chaman og vokalisten Alex Ligertwood. Seinare i april byrja det nye bandet innspelingane i Island Studios i London. Dei arbeidde på songar av Beck og fokuserte på «Situation», som hadde tekst av Ligertwood. Andre songar som «Morning Dew» fekk òg merksemd med hjelp av produsenten Jimmy Miller, som hadde arbeidd med Traffic og The Rolling Stones. I mai 1971, etter ei veke med innspelingar, forlet Beck RAK og signerte ein ny plateavtale med CBS. Epic, ein etikett under CBS, fekk oppgåva med å gje ut musikken til Beck og etter å ha høyrd inspelinga frå Island var dei ikkje nøgd med vokalen. I mai byrja Beck å sjå seg om etter ein ny vokalist. Seint i mai, etter å ha høyrt Bobby Tench syngje me bandet sitt Gass, vart han tilsett som vokalist for bandet. Tench fekk berre nokre få veker på seg til å skrive nye tekstar og syngje inn vokal for albumet, før miksinga heldt fram av lydspora som tidlegare var innspelt av Beck og dei andre i bandet. Tidleg i juli 1971 gjekk bandet inn i Island Studios igjen for å fullføre albumet og Beck tok over som produsent. Rough and Ready kom ut i Storbritannia 25. oktober 1971 og i USA i februar 1972, etterfølgd av ein seksten dagar lang turné. Albumet nådde 46. plassen på den amerikanske albumlista.
Innhald
Medverkande Jeff Beck: gitar, bass og produksjon Bobby Tench: vokal og rytmegitar Max Middleton: piano og klaverinstrument Clive Chaman: bass Cozy Powell: trommer
Singlar «Got that Feeling/Situation» Epic(USA) 5-10814 (6. desember 1971), Epic (Storbritannia) 7720 (7. januar 1972)
Kjelder Denne artikkelen bygger på «Rough and Ready» frå , den 4. juli 2018. oppgav desse kjeldene:
Kategori:Musikkalbum frå 1971 Kategori:Jeff Beck-album Kategori:Jazzfusion-album Kategori:Epic Records-album