Mike Stone () var ein engelsk lydteknikar og plateprodusent. Stone arbeidde med Queen (fleire album), Blue Öyster Cult, Foreigner, Journey (fleire album), Kiss, Toby Beau, Asia, Lou Reed, Whitesnake, Joe Walsh og andre.
Biografi Stone byrja karrieren som assisterande lydteknikar i Abbey Road Studios i England. Medan han var framleis ein tenåring, arbeidde Stone på somme innspelingar forThe Beatles då dei spelte inn Beatles For Sale (1964). Seinare arbeiddeh an ved Trident Studios, der han vart lydbandoperatør og assisterande lydteknikar. I 1974 byrja Stone eit langvarig samarbeid med Queen, då han arbeidde med den dåverande produsenten deira, Roy Thomas Baker. Han var mellom lydteknikar på den unike vokalinnspelinga av «Bohemian Rhapsody». Etter at Baker gav seg som produsent for Queen, hyrte bandet framleis inn Stone på grunn av ekspertisen hans i vokalinnspelingane. Tidleg i 1980-åra var Stone blitt produsent for bestseljande album av både Asia og Journey.
Stone var meint å ha oversyn med ommastringa av katalogen til Queen då han døydde i 2002. Som minneord skreiv Brian May i Queen: «Produksjonsstilen til Mike med store refreng som byggjer og treff hardt, evna til handsame vokalen på ein unik måte, og finne rom i ei innspeling, har inspirert ein generasjon av unge produsentar.»
Arbeidet til Stone vart seinare avgrensa i seinare år av eit alkoholproblem, og han døydde av komplikasjonar av dette.
Utvald diskografi 1971 Genesis – Nursery Cryme, lydbandoperatør 1973 Queen – Queen, lydteknikar 1974 Queen – Queen II, lydteknikar 1974 Queen – Sheer Heart Attack, lydteknikar 1975 Queen – A Night at the Opera, lydteknikar 1976 Queen – A Day at the Races, lydteknikar, gjestevokalist 1977 Queen – News of the World, lydteknikar, medprodusent 1978 Toby Beau - Toby Beau, seinare gjeve ut som «My Angel Baby», lydteknikar 1979 New England – New England, produsent, lydteknikar 1979 Shoes – Present Tense, produsent, lydteknikar 1980 New England - Explorer Suite, Medprodusent 1981 Journey – Escape, produsent 1981 April Wine – The Nature of the Beast, lydteknikar, medprodusent 1981 April Wine – Live in London, miksing 1982 Asia – Asia, produsent 1982. april Wine – Power Play, medprodusent 1983 Asia – Alpha, produsent 1983 April Wine – Animal Grace, medprodusent 1983 Journey – Frontiers, produsent 1984 Tommy Shaw – Girls with Guns, produsent 1985. april Wine – One for the Road, medprodusent 1987 Whitesnake – Whitesnake, produsent 1987 Helix – Wild in the Streets, medprodusent 1988 Ratt – Reach for the Sky, medprodusent 1990 Y&T Ten, produsent 1995 Foreigner – Mr. Moonlight, medprodusent, lydteknikar 1996 Ten – Ten, medprodusent og miksing 1996 Ten – The Name of the Rose, medprodusent og miksing 1997 Ten – The Robe, miksing
Kjelder
Denne artikkelen bygger på «Mike Stone (record producer)» frå , den 1. juni 2020. oppgav desse kjeldene:
Kategori:Engelske plateprodusentar Kategori:Engelske lydteknikarar Kategori:Queen Kategori:Musikkgruppa Asia