Halvdan Hermannsson Aarsrud () var ein norsk gardbrukar og politikar frå Våler i Hedmark. Han var stortingsmann for Arbeidarpartiet i tida 1916 til 1921.
Aarsrud utdanna seg i skogbruk ved Jønsberg landbruksskole i Stange. Han arbeidde på farsgarden på Våler fram til han tok over denne i 1907, seinare tok han over eit anna gardsbruk i bygda. I 1918 fekk han i tillegg lensmannsstillinga i Våler.
Aarsud var medlem i heradsstyret i fleire periodar, ordførar i Våler 1913 til 1918. Han var elles formann i skulestyret ei tid, forlikskommissær og leiar av Hedmark fylkes vegkomite. Stortingsperioden 1916–18 var han opphavleg 1. varamann til Stortinget frå einmannskrinsen Solør. Etter at representanten Ivar Hvamstad vart sjuk og døydde allereie i mai 1916, tok Aarsrud over ombodet og møtte fast resten av valbolken. Ved stortingsvalet 1918 vart han vald til å representere Solør på Stortinget 1919–21. På Tinget var han 1916-18 medlem i Næringskomiteen, 1919-21 i Skog- og vassdragskomiteen.
Kjelder
Stortingsbiografi
Kategori:Stortingsrepresentantar 1916-1918 Kategori:Stortingsrepresentantar 1919-1921 Kategori:Folk frå Våler i Innlandet Kategori:Norske gardbrukarar frå 1900-talet