Eiteljorg Museum of American Indians and Western Art er eit kunstmuseum i Indianapolis sentrum i Indiana i USA. Eiteljorg har ei stor samling biletkunst laga av amerikanske urfolk og kunst laga av vest-amerikanske kunstnarar som blei samla inn av forretningsmannen og filantropen Harrison Eiteljorg (1903–1997). Museet husar ein av dei beste samlingane av samtidskunst av urfolk i verda.
Museet ligg i White River State Park i Indianapolis, der ein også finn Indiana State Museum, Military Park og andre attraksjonar.
Gund Gallery i museet har ei høvesvis stor samling måleri og bronseskulpturar av Frederic Remington og Charles Russell. Det har også måleri av George Winter, Thomas Hill, Albert Bierstadt, Charles King og Olaf Seltzer. I eit anna rom er ei stor samling måleri av kunstnarar knytte til New Mexico, som Joseph Henry Sharp, William Victor Higgins, Ernest L. Blumenschein (Penitentes), John French Sloan og Georgia O'Keeffe (Taos Pueblo).
I juni 2005 opna museet ei større utviding som dobla dei offentlege områda med tre nye galleri, Sky City Café, eit utdanningssenter, ein hage og event-lokale. Dei nye galleria omfatta to galleri vigde til museet si samling av samtidskunst, med verk av T.C. Cannon, Kay WalkingStick, Andy Warhol og ei rekkje andre. Det siste galleriet lagt til i utvidinga var Gund Gallery of Western Art. Galleriet er vigd ei samling på 57 kunstverk av tradisjonell vestamerikansk kunst gjeven til museet av familien George Gund.
Kjelder
Denne artikkelen bygger på «Eiteljorg Museum of American Indians and Western Art» frå , den 21. april 2023.
Bakgrunnsstoff
Kategori:Skipingar i 1989 Kategori:Kunstmuseum i USA Kategori:Museum i Indiana Kategori:Indianapolis