Hermetic Order of the Golden Dawn (), eller berre Golden Dawn (), var ein hemmeleg organisasjon vigd studiet og utøving av okkult hermetisme og metafysikk i Storbritannia på slutten av 1800- og byrjinga av 1900-talet. Hermetic Order of the Golden Dawn var kjend som ein magiorden, og fokuserte på teurgi (guddommeleg magi) og åndeleg utvikling. Mange nyare konsept for rituale og magi som er viktige for samtidige tradisjonar, som wicca og thelema, var inspirerte av Golden Dawn, som blei ein av dei største påverknadane på moderne vestleg okkultisme på 1900-talet.
Dei tre grunnleggjarane av ordenen, William Robert Woodman, William Wynn Westcott og Samuel Liddell Mathers, var frimurarar. Westcott verker ha vore den drivande krafta bak skipinga.
Golden Dawn-systemet bygde på hierarki og initering på same vis som frimurarlosjar, men til skilnad frå desse hadde kvinner høve til å bli medlemmar på lik linje med menn. «Golden Dawn» var den fyrste av tre ordenar, sjølv om alle tre ofte blir viste til samla som «Golden Dawn». Den fyrste ordenen underviste i esoterisk filosofi som bygde på hermetisk kabbala og personleg utvikling gjennom studiar og medvit om dei fire klassiske elementa, i tillegg til grunnleggjande astrologi, tarotspådom og geomanti (spåing gjennom jordteikn). Den andre eller indre ordenen, , underviste i magi, including krystallspådom (scrying), astral projeksjon og alkymi. Den tredje ordenen tilhøyrde Secret Chiefs, hemmelege leiar som skulle ha mykje kunnskap og kunne styra aktivitetane til dei andre to ordenane gjennom åndeleg kommunikasjon. mini|Samuel Liddell MacGregor Mathers i egyptisk drakt utfører eit rituale i Hermetic Order of the Golden Dawn På midten av 1890-talet var Golden Dawn godt etablert i Storbritannia, med over hundre medlemmar frå alle delar av det viktorianske samfunnet. Mange kjende folk var medlemmar av Golden Dawn, som skodespelaren Florence Farr, den irske revolusjonære Maud Gonne, den irske diktaren William Butler Yeats, den walisiske forfattaren Arthur Machen og dei engelske forfattarane Evelyn Underhill og Aleister Crowley.
Merknadar
Kjelder
Denne artikkelen bygger på «Hermetic Order of the Golden Dawn» frå , den 25. juni 2023. oppgav desse kjeldene:
Bakgrunnsstoff
Term: Golden Dawn i Llewellyn Encyclopedia The Life and Work of WB Yeats. Utstilling som omfattar Yeat sine ritual-notat.
Kategori:Løynde ordenar Kategori:Esoteriske åndsretningar Kategori:Skipingar i 1888 Kategori:Britiske organisasjonar