Bolborhynchus er ei biologisk slekt i papegøyefamilien med tre medlemar som har eit leveområde frå Mexico i nord til Bolivia i sør.
Skildring Bolborhynchus er små, korthala, solid bygde parakittar, 16-19 cm i kroppslengd. Nebbet er skildra som stumpt og hovent på sidene, og den korte halen har oppsplitta, spisse fjører. Fjørdrakta er generelt i klår grøn farge. Føda er frø, frukt, skot og blomar. To av artane, stripeparakitt og andesparakitt, et mellom anna bambusfrø. Dette er sosiale fuglar, stripeparakittar flyg ofte i store flokkar, nokre gonger over 100 individ.
Artslista Bolborhynchus i rekkjefølgje etter IOC World Bird List V13.1, 2023, med norske artsnamn etter Norske navn på verdens fugler. IUCN kategori er etter HBW og BirdLife Taxonomic Checklist.
Stripeparakitt, Bolborhynchus lineola, Barred Parakeet, Cassin, 1853, (LC) Liten og grøn, 16 cm 50-60 gram. Sørlege Mexico til sentrale Peru, nordaust til Mérida i Venezuela. Lever i høgtliggande område, 900-3300 moh.
Rustgrimeparakitt, Bolborhynchus ferrugineifrons, Rufous-fronted Parakeet, Lawrence, 1880, (VU) 18-19 cm. Grøn, raud rundt nebbet, lever høgt i sentrale Andes i Colombia, 3200-4000 moh.
Andesparakitt, Bolborhynchus orbygnesius, Andean Parakeet, Souancé, 1856, (LC) 16-17 cm, mørk grøn med lysare strupe og bryst. Andes i Peru og Bolivia, 3000-4000 moh., nokre gongar over 6000 m.
Kjelder
Bakgrunnsstoff
kategori:parakittar kategori:fugleslekter