Grastjønnaks (Potamogeton gramineus) er ei plante i tjønnaksslekta i tjønnaksfamilien. Arten er sirkumpolar.
I Noreg er arten heimleg på grunt og stille vatn. Arten er vanleg over det meste av landet, men berre spreiddd på Sørlandet og Vestlandet. I Raudlista 2021 er arten rekna som livskraftig (LC).
Grastjønnaks dannar hybridar med fleire av dei andre artane i slekta. Mest utbreidd er hybriden med blanktjønnaks (P. gramineus × P. lucens eller P. ×zizii, òg kalla P. ×angustifolius), som har fått sitt eige normerte norske namn glanstjønnaks. Hybriden med tjønnaks (P. gramineus × P. natans eller P. ×sparganiifolius) er funnen spreidde stader nær kysten frå Østfold til Finnmark. Ein hybrid med rusttjønnaks (P. alpinus × P. gramineus eller P. ×nericius) er funnen somme stader på Austlandet nord til Oppdal. I innlandet på Austlandet og spreidd langs kysten til Aust-Finnmark er det registrert funn av hybriden med hjartetjønnaks (P. gramineus × P. perfoliatus eller P. ×nitens). Det er òg gjort funn i Trøndelag av ein hybrid mellom dei tre artane grastjønnaks, blanktjønnaks og hjartetjønnaks (P. gramineus × P. lucens × P. perfoliatus eller P. ×torssanderi).
Kjelder
Bakgrunnsstoff
Kategori:Tjønnaksslekta