Katalin Éva Novák () er ein ungarsk politikar for partiet Fidesz. Novák var den fyrste kvinnelege presidenten i Ungarn, ho styrte i perioden frå 10. mai 2022 til 26. februar 2024.
Utdanning Novák er fødd i Szeged. Etter å ha fullført vidaregåande utdanning ved SZTE Ságvári Endre Gyakorló Gimnáziumban i fødebyen i 1996, studerte ho økonomi ved Corvinus-universitetet i Budapest og juss ved Universitetet i Szeged. Ho har også studert i utlandet ved Université Paris X: Nanterre. I tillegg til ungarsk talar Novák fransk, engelsk og tysk.
Politisk karriere Novák byrja å arbeide i utanriksdepartementet i 2001, der ho spesialiserte seg i EU- og europeiske saker. I 2010 blei ho ministerrådgjevar i same departement og i 2012 kabinettsjef i Departementet for offentlege tenester.
I 2014 blei Novák 2014 statssekretær for familie- og ungdomssaker i Departementet for menneskelege ressursar og var familieminister oktober 2020–desember 2021.
Novák var visepresidenten til Fidesz i 2017–2021.
Statsminister Viktor Orbán kunngjorde 21. desember 2021 at Novák ville bli hans kandidat under presidentvalet i 2022. Ho vann valet 10. mars 2022 gjennom å få 137 av 188 røyster i parlamentet. Ho gjekk av som president etter ei kontroversiell benåding av ein mann dømd for å ha dekka over ei sak om seksuelle overgrep mot barn.
Privatliv Katalin Novák er gift og har tre barn. Ektemannen er økonomen István Veres, som har ei direktørstilling i den ungarske sentralbanken.
Internasjonale utmerkingar I 2019 blei Novák dame av den franske Æreslegionen og i 2020 kommandør av Republikken Polens fortenestorden.
Kjelder
Denne artikkelen bygger på «Katalin Novák» frå , den 6. mars 2024.
Kategori:Ungarske politikarar Kategori:Ungarske presidentar Kategori:Folk frå Szeged Kategori:Fidesz-politikarar