Harald Tyrdal () er ein tidlegare næringslivsleiar og handballspelar. Frå 1989 til 2009 leia han fyrst konsernet Narvesen og sidan konsernet Optimera. På handballbana var han playmaker i Refstad IL og det norske landslaget.
Næringsliv Tyrdal var konsernsjef i Narvesen ASA frå 1989 til 2000 og Reitan Narvesen ASA til 2001. Frå 2002 var han konsernsjef i byggevare-konsernet Optimera til han vart pensjonist i 2009.
Handball Klubbspel Tyrdal var aktiv på Refstad IL sitt handballag frå 1962. Laget utmerkte seg i 1970-åra som eitt av dei beste i Noreg. I 1974 vann Refstad 1. divisjon og 15. desember 1976 slo Refstad Stavanger IF med 15–11 i NM-finalen. Våren 1977 sigra Tyrdal og Refstad i 1. divisjon og var dermed seriemeister for andre gong. Tyrdal vart kåra til årets spelar 1978. Sidan var han spelande trenar i Veitvet IL og elles trenar i andre handballag.
Landslagsspel Tyrdal debuterte borte mot Sverige den 15. november 1967. Fem år seinare var han den sentrale spelaren i det norske mannskapet som kom på niandeplassen under Sommar-OL 1972. Fram til 6. mars 1976 deltok han i 120 av Noregs landskampar i perioden 1967-76. Tyrdal skåra 278 mål frå sin posisjon som midtre rykkromspelar.
Merittar Seiemeister: 1974 og 1977 med Refstad IL Noregsmeister: 1976 med Refstad IL
Kjelder
Harald Tyrdal i Store norske leksikon. Harald Tyrdal i handball.no
Kategori:Norske handballspelarar Kategori:Folk frå Oslo