Nils Christian Larsen Ullenrød () var ein norsk sjømann, gardbrukar og politikar frå Sem i Vestfold. Han var stortingsmann for tida 1898-1906.
Han tok styrmannseksamen og var sjømann i til saman 14 år. Sju av desse åra var han skipsførar, etter han i 1862 avla skippereksamen i Tønsberg. Frå 1873 var han gardbrukar på farsgarden Ullenrød. Han var ordførar i Sem i 12 år, styreformann i den lokale sparebanken frå 1876, åstadkommissær og medlem i tilsynsnemnda for Jarlsbergbanen, med meir.
Ullenrød representerte Jarlsberg og Larvik amt i Stortinget i tida 1898–1906. 1898-1903 var han medlem i Budsjettkomiteen og 1903-06 i Protokollkomiteen. Politisk sokna han til Høgre-partiet.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar 1898-1900 Kategori:Stortingsrepresentantar 1901-1903 Kategori:Stortingsrepresentantar 1904-1906 Kategori:Norske skipsførarar Kategori:Norske gardbrukarar frå 1800-talet Kategori:Folk frå Tønsberg