Sten Osther () er ein norsk tidlegare handballspelar. Han vart noregsmeister 1977 og 1983 med Fjellhammer IL. Han var rykkromspelar.
Karriere Klubbspel Osther var aktiv i Bækkelaget SK frå 1964 til 1975. Frå 1976 til -79, og på ny frå 1982 til -87 spelte han på Fjellhammer IL sitt lag. Her var han med på å vinne kongepokalen i 1977 og 1983. I mellomliggjande periode, 1979-82, var han trenar for handballaget til Vestli IL.
Landslagsspel Osther debuterte 12. november 1970 då Noreg slo Sverige 13–11 på heimebane. I 1972 var han med i det norske mannskapet som kom på niandeplassen i handballturneringa under Sommar-OL i München. Her skåra han til saman 6 mål i oppgjera med Romania, Tyskland og Spania. Han spelte sin 50. og siste landskamp 25. februar 1974, ein kamp som enda med femmåls-tap mot Island. Osther skåra 82 landslagsmål.
Kjelder handball.no
Kategori:Norske handballspelarar