Margaret Manson Graham () var ein skotsk sjukepleiar som arbeidde som misjonær i Nigeria.
Bakgrunn Margaret Manson Graham var fødd på Orphir i Orknøyane som dotter av Isabella Manson og John Graham. Far hennar var vevar. Etter ei tid som lærar på Orphir drog ho til Glasgow for å bli sjukepleiar.«Margaret Manson Graham» i Elizabeth L. Ewan, Sue Innes, Sian Reynolds og Rose Pipes, red., The Biographical Dictionary of Scottish Women (Edinburgh University Press 2006): 142-143.
Karriere Som sjukepleiar gjekk Margaret Manson Graham inn i Women's Foreign Mission i 1895 og reiste til Calabar i dagens Nigeria som då var under britisk kolonistyre.«Valedictory Meeting», The Children's Missionary Magazine of the United Presbyterian Church (mars 1895): 46-47. Der var ho den fyrste oversjukepleiaren på Duketown Hospital, som hovudsakleg behandla europearar, inkludert mannskap på handelsskip. Ho arbeidde òg med den lokale afrikanske folkesetnaden, særleg born, og behandla ofte offer for vald, som i 1901 då ho tok vare på overlevande arofolk etter eit militærangrep. Ho tok opp arbeidet til den skotske misjonærsjukepleiaren Mary Slessor, med ei særleg bekymring for skjebnen til tvillingar; ho overtok bygginga av ein omsorgsheim for forlatne barn, og underviste broderi som ei evne for kvinner til å livnæra seg på om dei stod utan tradisjonell støtte.
Margaret Manson Graham blei tildelt Africa General Service Medal i 1901, og blei utnemnd til medlem av den britiske johannitarorden i 1906.Margaret Manson Graham, People of Note, Scapa Flow Landscape Partnership Scheme.
Privatliv Etter at ho blei pensjonist i 1919 reiste Graham tilbake til Orknøyane, men blei berre verande i nokre få år før ho vende tilbake til Afrika. Ho budde resten av livet i Nigeria, og underviste unge kvinner som sjukepleiarar og å tok vare på born. Graham døydde i Arochukwu i 1933, 73 år gamal. Ho blei gravlagd ved sida av venen og kollegaen sin Mary Slessor i Calabar. Det blei sett opp ein bronseplakett til minne om Margaret Manson Graham i St Magnus Cathedral i Kirkwall i 1964.Rhonda Lowe, Plaque to Margaret Manson Graham, Mapping Memorials to Women in Scotland, Women's History Scotland. mini|Margaret Manson Graham-plaketten i Kirkwall-katedralen.
Kjelder
Denne artikkelen bygger på «Margaret Manson Graham» frå , den 16. juni 2025.
Kategori:Skotske misjonærar Kategori:Skotske sjukepleiarar Kategori:Folk frå Orknøyane