Petter Jori Andaras Morottaja () er ein finsk forfattar, universitetslærar og språkaktivist som skriv bøker på enaresamisk.
Morottaja er fødd i Inari i Finland. Han er son av Matti Morottaja og bror av artisten Amoc, som rappar på enaresamisk.
Han gav ut si første bok 17 år gammal. Debutboka hans, Suábi maainâs, var den første fantasyromanen som vart gitt ut for enaresamisk ungdom. Den andre boka hans, gitt ut eit år seinare, er ei barnebok. Begge bøkene vart gitt ut av Anarâškielâ servi ry. og er illustrerte av Martti Rikkonen.
I ein alder av 25 stilte han som kandidat til Sametinget i Finland, men vart ikkje vald. Han er aktiv i den enaresamiske organisasjonen Anarâškielâ servi ry., og han var redaktør i nettavisa til organisasjonen Kierâš, som vart gitt ut ein gong i veka. Han underviser også i enaresamisk ei rekkje stader, mellom anna ved Helsingfors universitet.
Bibliografi
Suábi maainâs, 1999 Riävskánieidâ, 2000
Kjelder
Denne artikkelen bygger på «Petter Morottaja» frå , den 7. juli 2025.
Kategori:Samiske journalistar Kategori:Finske forfattarar Kategori:Samiske forfattarar Kategori:Folk frå Enare