Martin Hanssen Gunnerud () var ein norsk gardbrukar og politikar frå Røyken i Buskerud. Han var ordførar 1892-93 og 1899-1910 i Røyken og stortingsmann 1895-97.
Gunnerud var frå 1869 gardbrukar på Gunnerud i Røyken, eigde også gardane Nordre Heggum og Graff i Røyken. Frå 1878 var han medlem i heradsstyret til 1910, og var ordførar i til saman 14 år. Gunnerud var forlikskommissær i 6 år, og var styremedlem i den lokale sparebanken i 21 år. Perioden 1895-97 var han Buskerud amt sin fyrsterepresentant til Stortinget der han var medlem i Gasje- og pensjonskomiteen. I 1906 deltok Gunnerud i kroninga av kong Haakon VII i Nidarosdomen som utsending frå amtet.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar 1895-1897 Kategori:Norske gardbrukarar Kategori:Folk frå Røyken