Helga Haase, fødd Obschernitzki, () var ein tysk skeiserennar som representerte Aust-Tyskland, og i olympiske leikar det samla Tyskland. I 1960 vann ho den fyrste olympiske gullmedaljen i snøggløp på skeiser for kvinner. Ho var fødd i Danzig og døydde i Aust-Berlin.
Aktiv Perioden 1957-67 sanka Haase 15 nasjonale gullmedaljar i enkeltdistansar, samstundes som ho sju gongar vart austtysk meister i firkamp. Vinteren 1960 forbetra ho verdsrekorden i firkamp under eit stemne i Davos.
Under Vinter-OL 1960 i Squaw Valley sigra ho, noko overraskande, opningsdistansen 500 meter. Dermed vart ho både den fyrste tyske skeiserennaren og den fyrste idrettsutøvaren frå Aust-Tyskland som vann ein olympisk gullmedalje. To dagar etter ho vann gull, gjekk ho mål til sølvmedalje på 1000-meteren.
På dei lengste distansane var Haase for svak til å tevle med dei aller sterkaste utøvarane frå Sovjetunionen i verdsmeisterskap. Femteplassen i Skeise-VM 1962 var den beste plasseringa i desse tevlingane.
I dei olympiske vinterleikane 1964 i Innsbruck la Haase beslag på fjerdeplassen på 1000 m og femteplassen på 1500 m. På 500 m vart ho nummer 8.
Kjelder
Denne artikkelen bygger på «Helga Haase» frå , den 2. februar 2026.
Kategori:Tyske skeiseløparar Kategori:Olympiske meistrar for Tyskland Kategori:Olympiske meistrar i lengdeløp på skeiser Kategori:Olympiske sølvmedaljevinnarar for Tyskland Kategori:Olympiske sølvmedaljevinnarar i lengdeløp på skeiser Kategori:Medaljevinnarar under vinter-OL 1960 Kategori:Tyske deltakarar under vinter-OL 1960 Kategori:Skeiseløparar under vinter-OL 1960 Kategori:Tyske deltakarar under vinter-OL 1964 Kategori:Skeiseløparar under vinter-OL 1964 Kategori:Folk frå Gdansk