NorESM — the Norwegian Earth System Model/Den norske jordsystemmodellen — er ein global klimamodell utvikla og halden ved like av NCC (NorESM Climate modeling Consortium). Utvikling av NorESM starta i 2007, mellom anna gjennom klimaforskingsprosjektet EarthClim. Modellen har vore ein viktig bidragsytar til WCRP (World Climate Research Programme), og dessutan rapportar frå FNs klimapanel (IPCC).
NorESM simulerer mellom anna vind, temperatur, nedbør og skydekke i atmosfæren; straum, temperatur og salthaldigheit i havet; vegetasjon på land og fukt og temperatur i jordsmonnet; og utstrekning og tjukn til snø og is på land og på havet. Den strukturelle samansetjinga av NorESM byggjer i stor grad på CESM (Community Earth System model), men med ein havmodul som er unik for NorESM og ei rekkje særeigne tilpassingar i modulane for atmosfære, vegetasjon og kryosfære.
Bakgrunnsstoff
NorESM heimeside NorESM dokumentasjon NorESM kjeldekode EarthClim Oppdatert informasjon om og resultat frå NorESM er tilgjengeleg frå heimesiden til NorESM, og nettsider for NorESM dokumentasjon og NorESM kjeldekode.
Kategori:Klimaendringar Kategori:Norsk forsking