Eirik Hirth () var ein skulemann frå Voss i Hordaland.
Hirth tok lærareksamen ved Stord seminar i 1894 og mellomskule-eksamen to år etter. Han var lærar i Husnes frå 1895, deretter i Bergen frå 1899 til 1942. Her var han i 1900 med å skipe Bondeungdomslaget Ervingen, ei tid formann i laget. I 1909 tok han del i skipinga av Bondeungdomslaget i Bjørgvin, formann i over seks år. Formann 1929–37 og 1942–46 i Vestmannalaget og 1927–48 i Vestlandske Mållag.
Venstre-mannen Hirth var varamann til Stortinget 1937-45, møtte i to vender. Før dette var han bystyremedlem i Bergen 1932–34 og 1938–40.
Hirth var ein aktiv skribent i ulike forum. Han gav i 1944 ut Kledebunaden på Voss i eldre og nyare tid og i 1952 Nokre norske andlet. I 1948 utnemnd til heiderslem i Vestmannalaget, året etter også i Noregs Mållag.
Kjelder Norsk Allkunnebok. V. Bandet. 1954.
Kategori:Norske skulefolk Kategori:Målfolk Kategori:Folk frå Voss Kategori:Folk frå Bergen Kategori:Vararepresentantar til Stortinget