Copelandøyane (eller Oileáin Chóplainn på irsk) er ei øygruppe nord i Irskesjøen, nord for Donaghadee i County Down i Nord-Irland. Ho består av Lighthouse, Mew og Copeland Island.
Øyane har internasjonalt viktige koloniar med sjøfugl som havlire og raudnebbterne, i tillegg til nasjonalt viktige koloniar av svartehavsmåse, fiskemåse og ærfugl. Havlirekolonien på Copelandøyane utgjer om lag 1,7 % av den samla bestanden i heile verda og består av om lag 4000 par.
Av andre fugleartar finn ein teist, vassrikse, skogdue, vipe og myrsnipe.
Ein finn òg gråsel og steinkobbe ved øyane.
Kjelder
ehsni.gov.uk
Bakgrunnsstoff Copeland fugleobservatorium
Kategori:County Down Kategori:Irske øyar Kategori:Øyar i Nord-Irland