«Eleanor Rigby» er ein song av The Beatles som kom ut på albumet Revolver i 1966. Songen er hovudsakleg skriven av Paul McCartney. Han er ein av dei mest utypiske og lettast gjenkjennelege av Beatles-songane med ein dobbel strykekvartett arrangert av George Martin og tekst om einsemd. Songen var eit framhald av den musikalske forvandlinga bandet starta med Rubber Soul frå å vere eit hovudsakleg pop-basert band til eit meir seriøst og eksperimentelt band.
«Eleanor Rigby» vert ofte skildra som ein klagesong for einsame menneske. Songen gjev glimt frå liva til ei kvinne, Eleanor Rigby, og ein prest, Father MacKenzie. Han endar med gravferda til Eleanor Rigby der presten ikkje har nokon å tala for.
Skriving Songen kom til då McCartney sat ved pianoet sitt. Det første namnet han kom på var ikkje Eleanor Rigby, men Daisy Hawkins. I tillegg hadde han namnet Father McCartney, men dette vart endra til Father MacKenzie fordi han var redd folk ville tru han song om sin eigen far.
Songen vart skriven ferdig heime hos John Lennon med dei andre i The Beatles til stades. McCartney spelte gjennom songen medan dei andre kom med idear.
Innspeling «Eleanor Rigby» har ikkje eit vanleg pop-arrangement, og ingen i The Beatles spelte instrument på songen, sjølv om både Lennon og George Harrison medverka med korvokal. I staden nytta McCartney ein dobbel strykekvartett som bestod av fire fiolinar, to celloar og to bratsjar. Partituret var skrive av produsent George Martin. Oktetten vart spelt inn 28. april 1966 i Studio 2 ved Abbey Road Studios og gjort ferdig i Studio 3 29. april og 6. juni. Det 15. forsøket vart nytta som master.
Utgjeving «Eleanor Rigby» vart gjeve ut samstundes med albumet Revolver den 5. august 1966 som ein singel med dobbel A-side. Den andre A-sida var «Yellow Submarine». Singelen gjekk til topps i heimlandet Storbritannia, men nådde berre 11. plassen i USA. I Noreg vart songen marknadsført med «Yellow Submarine» som A-side, og det er denne som står oppført på VG-lista. Singelen låg 11 veker inne på Topp 10, og sju av desse på førsteplass.
Ettermæle mini|Eleanor Rigby-statuen i Liverpool. I enkelte referansebøker om klassisk musikk vert «Eleanor Rigby» nemnd på like linje med klassiske verk. Howard Goodall har kalla songen ei blanding av melodiar som kanskje berre Mozart kan måle seg med i europeisk musikkhistorie.
Musikkmagasinet Rolling Stone plasserte songen på 138. plass på lista si over dei 500 største songane gjennom tidene i 2010.
I Liverpool er det sett opp ein statue av Eleanor Rigby, laga av Tommy Steele og tileigna «all the lonely people».Let me take you down to Eleanor Rigby's statue, «Let me take you down to Eleanor Rigby's statue»
Forfattaren Douglas Coupland har gjeve ut boka Eleanor Rigby om ei anna kvinne som kjenner seg einsam og mislukka.
Medverkande Paul McCartney – solo- og harmonivokal John Lennon – harmonivokal George Harrison – harmonivokal Tony Gilbert – fiolin Sidney Sax – fiolin John Sharpe – fiolin Juergen Hess – fiolin Stephen Shingles – bratsj John Underwood – bratsj Derek Simpson – cello Stephen Lansberry – cello George Martin – produsent, strykearrangement Geoff Emerick – lydteknikar Personell per Ian MacDonald
Salslister Liste (1966)PlasseringUK Singles Chart1Canadian CHUM Chart1US Billboard Hot 10011Liste (1986)PlasseringUK Singles Chart63
Andre innspelingar Ei rekkje andre artistar har gjort sine eigne utgåver av «Eleanor Rigby». Av desse finn ein Joan Baez, Ray Charles, Tony Bennett, Aretha Franklin og Wes Montgomery
Songen har òg vorte sampla av fleire rapparar.
Bakgrunnsstoff The Eleanor Rigby-statuen i Liverpool Alan W. Pollack om «Eleanor Rigby» Eleanor Rigby sin gravstein
Kjelder Denne artikkelen bygger på «Eleanor Rigby» frå , den 15. desember 2008. oppgav desse kjeldene:
Kategori:The Beatles-songar Kategori:Songar produserte av George Martin Kategori:Songar skrivne av Lennon–McCartney Kategori:Songar frå 1966 Kategori:Singlar frå 1966 Kategori:Balladar frå 1960-åra Kategori:Barokkpop-songar Kategori:Popballadar Kategori:Nummer-ein-singlar i Storbritannia Kategori:Nummer-ein-singlar i Tyskland Kategori:Nummer-ein-singlar i New Zealand Kategori:Nummer-ein-singlar i Canada Kategori:Songar på toppen av VG-lista Kategori:Oppdikta engelskmenn 138 Kategori:Grammy Hall of Fame Award Kategori:Parlophone-singlar Kategori:Capitol Records-singlar Kategori:Aretha Franklin-songar Kategori:Joan Baez-songar Kategori:Ray Charles-songar Kategori:Tony Bennett-songar Kategori:Songar om fattigdom Kategori:Songar om einsemd Kategori:Songar om kvinner Kategori:Songar om død Kategori:The Standells-songar Kategori:Vanilla Fudge-songar Kategori:Johnny Mathis-songar Kategori:Richie Havens-songar Kategori:Frankie Valli-songar Kategori:P.P. Arnold-songar Kategori:Bobbie Gentry-songar Kategori:Four Tops-songar Kategori:Jackie Wilson-songar Kategori:Paul Anka-songar Kategori:The Ventures-songar Kategori:John Denver-songar Kategori:Nana Mouskouri-songar Kategori:Sarah Vaughan-songar Kategori:Paul McCartney-songar Kategori:Bobby Darin-songar Kategori:Shirley Bassey-songar Kategori:Kansas-songar Kategori:Al Kooper-songar Kategori:Booker T. & the M.G.'s-songar Kategori:Enoch Light-songar Kategori:Count Basie-songar Kategori:Brian May-songar Kategori:Rick Wakeman-songar Kategori:Tangerine Dream-songar Kategori:Hank Marvin-songar Kategori:Al Di Meola-songar