Edvard Apolloniussen Liljedahl () var ein norsk kyrkjesongar, lærar, postmeister og politikar for partia Venstre, Moderate Venstre og Frisinnede Venstre.
Han var medlem av Statsrådsavdelinga i Stockholm frå 6. mars til 12. juli 1889 i Johan Sverdrups regjering. Han var sjef for Kyrkje- og undervisningsdepartementet i Jens Bratlies regjering som sat frå 20. februar 1912 til 30. januar 1913.
Liljedahl vart innvald til Stortinget ni gongar, første gong i 1880. For perioden 1889–1891 representerte han Moderate Venstre, i dei andre periodane Venstre. Han var odelstingspresident 1899–1900 og stortingspresident 1903–1904 og 1908–1909.
Han tok eksamen ved Stord seminar i 1866 og verka som lærar og kyrkjesongar i Kyrkjebø frå 1867 til 1889. Frå 1891 til 1901 var han postmeister i Ålesund, frå 1901 til 1904 i Bergen. 1887–1891 var han ordførar i Kyrkjebø , der han sat i heradsstyret i 14 år. Han var seinare medlem av Ålesund bystyre.
Liljedahl vart i 1896 utnemnd til riddar av 1. klasse av St. Olavs Orden, og i 1901 forfremja til kommandør av 1. klasse. Han var også innehavar av den franske Æreslegionen og den svenske Nordstjerneordenen.
Han var son av lærar og kyrkjesongar, tidlegare gullsmedsvend Apollonius Liljedahl og hustru Britha Olsdatter Hopperstad. Han vart i 1869 gift med Barbra Ramsli (1850–1928).
Kjelder Denne artikkelen bygger på «Edvard Liljedahl» frå , den 19. juli 2009. Litteratur Den Kongelige norske Sankt Olavs orden 1847-1947, utgitt av ordenskanselliet ved O. Delphin Amundsen, Grøndahl & Søns Forlag, Oslo, 1947
Bakgrunnsstoff
Edvard Liljedahl. NRK Sogn og Fjordane fylkesleksikon
Kategori:Norske kyrkje- og undervisningsministrar Kategori:Statsrådar i Regjeringa Bratlie Kategori:Frisinnede Venstre-statsrådar Kategori:Norske statsrådar 1884-1905 Kategori:Stortingspresidentar Kategori:Stortingsrepresentantar 1880-1882 Kategori:Stortingsrepresentantar 1883-1885 Kategori:Stortingsrepresentantar 1886-1888 Kategori:Stortingsrepresentantar 1889-1891 Kategori:Stortingsrepresentantar 1895-1897 Kategori:Stortingsrepresentantar 1898-1900 Kategori:Stortingsrepresentantar 1901-1903 Kategori:Stortingsrepresentantar 1904-1906 Kategori:Stortingsrepresentantar 1907-1909 Kategori:Stortingsrepresentantar for Sogn og Fjordane Kategori:Stortingsrepresentantar for Ålesund og Molde Kategori:Stortingsrepresentantar frå Venstre Kategori:Stortingsrepresentantar frå Moderate Venstre Kategori:St. Olavs Orden Kategori:Nordstjerneordenen Kategori:Æreslegionen Kategori:Postfolk Kategori:Folk frå Vik