Nikolai Scheitlie () var ein norsk magasinforvaltar, eidsvollsmann og stortingsmann.
Scheitlie var fødd i Kristiania, der far hans ei tid var prokurator. Han var han fullmektig hos berghauptmann Hjort på Kongsberg, før han i 1780 vart kongeleg magasinforvaltar for opplagsmagasinet i Drammen. Denne stillinga hadde han fram til 1802, då han etter omlegging av forsyningane kom på vartpengar. Men han beheldt ein post som kommisjonær for Kongsberg sølvverk og for Blaafarveværket på Modum.
Scheitlie var utsending frå Drammen til riksforsamlinga på Eidsvoll i 1814. Han var der knytt til sjølvstendepartiet.
I 1818 var han stortingsmann for Drammen, var då medlem av sju komitear. Mellom komiteane fann ein både om Kongsberg sølvverk, om Røros koparverk og om bergverkslova.
Heimen hans frå 1789 - Scheitliegarden i Drammen - finst framleis.
Kjelder
Tallak Lindstøl: Stortinget og Statsraadet 1814-1914. Kristiania, 1914
Kategori:Norske embets- og tenestefolk Kategori:Eidsvollmenn Kategori:Stortingsrepresentantar for Drammen Kategori:Stortingsrepresentantar 1818-1820 Kategori:Folk frå Oslo