Snøbakkestjerne er ei urt i bakkestjerneslekta i korgplantefamilien. Arten har ei sirkumpolar utbreiing.
Planten vert kring 10 cm høg. Dei nedre blada er snaue. Planten har oftast einskild stengel med små korte blad. Han har korg med grå- eller raudfiolette korgdekkblad, om lag snaue øvst. Kantkronene er kvite, til slutt fiolette. Midtkronene er gule og blir snart raude øvst. Snøbakkestjerne blomstrar kring juli månad på enger og snøleger til fjells.
Snøbakkestjerne veks i alle fjelltrakter i Noreg. Han er funnen opp til 2120 m i Jotunheimen.
Kjelder
Johannes Lid: Norsk-svensk-finsk flora. Det Norske Samlaget, 1985.
Denne artikkelen bygger på «Fjällbinka» frå , den 14. september 2010.
Bakgrunnsstoff
«Fjällbinka - Erigeron uniflorus L.», Den virtuella floran
Kategori:Bakkestjerneslekta Kategori:Viltveksande plantar i Noreg Kategori:Korgplantefamilien